нотариат

Қазақстанда нотариаттық қызметпен айналысу құқығына лицензияны қалай алуға болады

Нотариаттық қызметпен айналысу құқығына аттестаттау қорытындысы бойынша Қазақстан Республикасының Әдiлет министрлiгi берген лицензия (нотариус лицензиясы) нотариусқа нотариаттық iс-әрекеттер жасауға уәкiлдiк бередi.

Лицензия лицензиатқа «Е-лицензиялау» интернет-порталы: www.elicense.kz арқылы өтініш берілген күннен бастап 15 жұмыс күнінен кешіктірмей беріледі.

Лицензия алу үшін бюджетке лицензиялық алым төлеу және өтінішті «электрондық үкімет» веб-порталы www.egov.kz, www.elicense.kz арқылы жіберу қажет.

Лицензиялық алымды төлеу қолма-қол және қолма-қол ақшасыз төлем түрiнде екiншi деңгейдегi банктер және банк операцияларының жекелеген түрлерiн жүзеге асыратын ұйымдар арқылы жүзеге асырылады.

Лицензиялық алым жергілікті бюджетке төленеді.

Алушының банкі: Қазынашылық департаменті

Алушы: тіркелген жері бойынша салық комитеті

Бюджеттік сыныптама коды: 105 402

Төлем туралы мәліметтер коды: 911

Сома: 6 АЕК

Өтініш беру үшін Сізге мына құжаттарды ұсыну қажет:

1) электрондық цифрлық қолтаңбамен куәландырылған электрондық құжат нысанындағы арыз (www.elicense.kz «электрондық лицензиялау» порталында құрылады);

2) ЭҮТШ арқылы төлеу жағдайларын қоспағанда, қызметтің жекелеген түрлерiмен айналысу құқығына лицензиялық алымның бюджетке төленгенiн растайтын құжаттың электрондық көшiрмесi;

3) оларды әділет органдарына ұсынғанға дейін кемінде бір ай бұрын денсаулық сақтау ұйымдарымен берілген диспансерлік есепте тұратыны/тұрмайтыны туралы үміткердің тұрғылықты жерi бойынша нарколог және психиатрдың анықтамаларының электрондық көшірмесі;

4) мәліметтер нысаны, мемлекеттік қызмет стандартының 2-қосымшасына сәйкес, қызметтің түріне қойылатын біліктілік талаптарды қамтитын ақпарат;

5) ҚР Еңбек Кодексіне сәйкес заң мамандығы бойынша кемінде екі жыл жұмыс өтілінің болуын растайтын құжаттың электрондық көшірмесі.

• 12.12.2019
• 582