Цифрлық қоғамға сәтті қадам басып келе жатқан украиналық әріптестерімді шын жүректен құттықтаймын

Цифрлық қоғамға сәтті қадам басып келе жатқан украиналық әріптестерімді шын жүректен құттықтаймын. Цифрлық құжатты пластикке теңестіретін заң қабылдау - бұл маңызды қадам.

Жарты жыл бұрын біз осындай заңды тек жеке басты куәландыратын құжаттарға ғана емес, сонымен қатар туу туралы куәлік, қайтыс болғаны жайлы ақпарат, неке туралы куәліктерге, зейнеткердің құжатына қатысты қабылдаған болатынбыз.

Іс жүзінде электронды құжатты қолдану бойынша жұмыстар қарқынды жүргізілуде. «Азаматтарға арналған үкімет» мемлекеттік корпорациясының фронт-офистерінен мысалы, egovmobile-дан цифрлық құжатты алуға болады. Тағы бір жаңалық жақын арада цифрлық куәлікті қолдана отырып, жолаушылар елордадағы Халықаралық әуежайдан сол құжаттың көмегімен ұша алады. Ал сәуір айында бірқатар банктерде, сондай-ақ барлық нотариалды орталықтар цифрлық құжаттарды қабылдай бастайтынын жеткізгім келеді.

• 05.04.2021
• 300