Жақында Атамқұлов Бейбіт Бәкірұлы мен Индустрия және инфрақұрылымдық даму министрлігіндегі әріптестермен бас қосып, саланы цифрландыру мәселесін талқыладық.

Жақында Атамқұлов Бейбіт Бәкірұлы мен Индустрия және инфрақұрылымдық даму министрлігіндегі әріптестермен бас қосып, саланы цифрландыру мәселесін талқыладық.

Оларға eGov Mobile-дағы Цифрлық құжаттар жобасын таныстырдым. Қазірдің өзінде Нұр-Сұлтан-Алматы-Нұр-Сұлтан бағытындағы рейсте Цифрлық құжаттарды пилоттық тәртіпте қолдануға болады. Осы тәжірибені шілде айынан бастап еліміздің тағы да 6 қаласында енгізетін боп келістік.

"Е-Шаңырақ" жүйесі мен мемқалақұрылыскадастры инфрақұрылым мәліметтерінің Бірыңғай геопорталы сынды Цифрлық ТКШ жобаларын қарастырдық. "Е-Шаңырақ" жобасы тұрғын үй қатынастарындағы барлық іс-әрекеттерді ашық әрі жүйелі етуге жол ашады. Бұл - ТКШ-ны цифрлау саласындағы үлкен қадам, осылайша азаматтар мен бизнес өкілдері инженерлік желілер мен табиғи монополиялар субъектілерінің қуаты туралы ақпаратқа қол жеткізеді. Бұл сервис әр адамға түсінікті болу үшін әріптестеріме процесті қарапайым әрі оңай қылуды ұсындым.

Азаматтарға қолайлы әрі қауіпсіздікті қамтамасыз ететін Smart City жобасын жүзеге асыру да маңызды жұмыс, әсіресе аймақтарға жіті назар аудару керек. Мәселен, әкімдіктер электрондық билеттеу шарасын қолға алды. Барлық өңірлер жобалардың сәтті енгізілгендігін айтып, есеп берді. Бірақ біз жұмыс нәтижелеріне қарап, көрсеткіштер көңіл көншітпейтінін түсіндік. Себебі 9 аймақта қолма қол ақшасыз төлемдердің үлесі 50 пайыздан төмен. Біз енді мұның басқа жолдарын қарастырамыз. Бұл қалалық электрондық билеттеуге ғана емес, қалааралық сапарларға да қатысты болмақ.

Сондай-ақ әріптестеріме барлық транспорттық бақылауды цифрлық рельстерге ауыстыруды ұсындым. Бұл сыбайлас жемқорлықтың алдын алуға мүмкіндік берер еді. Былайша айтқанда, адами факторы болмайтын Сергек сияқты цифрлық жоба жасау керек.

Оның үстіне Бейбіт Бәкірұлымен бірге көлік бойынша барлық ақпаратты Бірыңғай мемлекеттік транспорттық мәліметтер базасында біріктіру туралы шешім қабылдадық.

Мұның қажеті қанша? Бүгінгі таңда көлік құралдары туралы есептік мәліметтерді сақтайтын 10 шақты ақпараттық жүйе бар: АШМ-де ауылшаруашылық техникалары, ІІМ – көліктер, ҚТЖ – вагондар, ААК – әуе кемелері туралы және т.б. Техқараудың бөлек жүйесі және тағы басқа да түрлі жүйелер бар. Осылайша көлік туралы жалпы ақпарат бөлшектеніп кеткен! Ал біздің мақсатымыз – транспорт туралы күллі ақпаратты бір базаға біріктіріп, артық интеграцияларды қысқартып, отандастарымыздың өмірін жеңілдету.

• 06.05.2021
• 262