Дипломатиялық корпус өкілдерімен брифинг өткіздім

2021 жылғы 14 Мамырда KAZPATENT ғимаратында дипломатиялық корпус өкілдерімен брифинг өткіздім.

Қазақстан Республикасының Президенті Қасым-Жомарт Тоқаевтың бастамасымен елімізде Әділет министрлігі жүргізіп жатқан құқықтық реформалар туралы айттым.

Іс-шараға қатысушыларға жаңа Әкімшілік рәсімдік-процестік кодексті таныстырды, нормашығармашылық қызметті жетілдіру, заңгерлік кәсіпті реттеу туралы айтып, елшілік корпус өкілдерінің сұрақтарына жауап бердім.

Іс-шараға қатысушылар кездесу өткізілген KAZPATENT сараптама ұйымының жұмысымен танысты.

Шет мемлекеттердің елшілері Қазақстандағы әділет жүйесі мен патенттік қызметтің өзекті дамуы туралы толық ақпарат алуға мүмкіндік бергені үшін ризашылықтарын білдірді.

Кездесу сындарлы және іскерлік жағдайда өтті.

Аталған іс-шара Мемлекет басшысының бастамасымен Қазақстандағы елшілік корпус өкілдері үшін оларды еліміздегі саяси және әлеуметтік-экономикалық реформаларды іске асыру барысымен таныстыру мақсатында мемлекеттік органдар жоспарлаған брифингтер сериясының алғашқысы болғандығын атап өтеміз.

• 14.05.2021
• 258