Онлайн-курс: «Мүліктің меншік иелері бірлестігі бойынша өзекті мәселелер».

2021 жылғы 24 мамырда сағат 15:00-де Қазақстан Республикасы Әділет министрлігінің Құқықтық ақпараттық қызметімен «Мүліктің меншік иелері бірлестігі бойынша өзекті мәселелер» тақырыбында вебинар нысанында халықтың құқықтық сауаттылығын арттыру бойынша онлайн-курс өткізіледі.

Вебинарға қатысушы бола отырып, Сіз мынадай мәселелер бойынша ақпарат ала аласыз: мүліктің меншік иелері бірлестігі түсінігі, оны құру және тіркеу алгоритмі, төраға қызметі, үй кеңесі, мүліктің меншік иелері бірлестігінің ревизиялық комиссиясы, үй-жайлар (пәтерлер) иелерi кооперативiнiң мүлкi мен мүліктің меншік иелері бірлестігінің айрықша ерекшеліктері.

Вебинардың теориялық бөлімінен кейін қатысушылар тақырып бойынша қызықты сұрақтар қоюға мүмкіндік алады.

Вебинар ҚР ӘМ «ЗҚАИ» ШЖҚ РМК YouTube арнасында өткізіледі.

YouTube арнасына сілтеме https://www.youtube.com/user/rkaokz.

Алдағы онлайн-курс бойынша қосымша сұрақтарды телефондар арқылы алуға болады: 119; 8 (7172) 58 00 58.

• 19.05.2021
• 268