Бағдарламалық қамтамасыз ету: құқықтар мен шектеулер

«Контрафакт» республикалық акциясы аясында Қазақстан Республикасы Әділет министрлігімен «Бағдарламалық қамтамасыз ету: құқықтар мен шектеулер» тақырыбында (онлайн форматта) семинар өткізілді.

Семинар барысында бағдарламалық қамтамасыз етудің құқық иеленушілерінің айрықша құқықтарын сақтау мәселелері, сондай-ақ лицензияланбаған бағдарламалық қамтамасыз етуді пайдалану тәуекелдері талқыланды.

Семинар жұмысына облыстардың, Нұр-Сұлтан, Алматы, Шымкент қалаларының жергілікті атқарушы органдарының және облыстардың, Нұр-Сұлтан, Алматы, Шымкент қалаларының әділет департаменттерінің өкілдері қатысты.

Спикерлер ретінде Microsoft және 1С серіктестерінің өкілдері сөз сөйледі.

Семинар барысында спикерлер Н. Мухатаева, В. Нестеров, И.Карякин 1С, Microsoft компанияларының лицензияланған бағдарламалық өнімдерін пайдалану бойынша бағдарламалық қамтамасыз етуді лицензиялаудың әдістері мен тәсілдері туралы, сондай-ақ бағдарламалық қамтамасыз етуді пайдаланудың қосымша мүмкіндіктері туралы материалдарды таныстырды. Сонымен қатар, спикерлермен лицензияланбаған бағдарламалық қамтамасыз етуді пайдалану тәуекелдерінің мысалдарын келтірілді, лицензиялық бағдарламалардың лицензияланбаған бағдарламалардан айырмашылығы белгілері мен тәсілдері түсіндірілді.

Семинарға қатысушылар лицензиялық бағдарламалық қамтамасыз етуді сатып алу рәсімдері бойынша өздерін қызықтырған сұрақтар қойып, спикерлерден жауаптар ала алды.

• 28.05.2021
• 248