Әкімшілік рәсімдік-процестік кодексі бойынша Нұр-Сұлтан қаласының әкімімен, қала прокурорымен және әкімдік, ХҚО өкілдерімен кездесу

2021 жылдың 1 шілдесінен бастап Әкімшілік рәсімдік-процестік кодекс (ӘРПК) қолданысқа енгізіледі. Ол қоғамдағы жанжал мен шиеленістердің деңгейін төмендетуге және ықтимал келіспеушіліктерді сотқа жеткізбей шешуге, сондай-ақ азаматтардың өтініштерін қарастыру кезінде мемлекеттік органдардың жауапкершілігін арттыруға бағытталған.
Осыған байланысты бүгін Нұр-Сұлтан қаласының әкімі Алтай Көлгіновпен, қала прокуроры Бауыржан Мырзакеровпен және әкімдіктің, ХҚКО өкілдерімен кездестім.

«Е-Өтініш» ақпараттық жүйесін енгізудің өзектілігі мен маңыздылығын атап өтіп, ӘРПК сәйкес әкімшілік процесті сапалы орындау қажеттілігі туралы айттым.

Бүгінгі таңда жаңа кодекстің ережелері бойынша 35 мыңға жуық мемлекеттік қызметкер оқудан өтті.

«Е-Өтініш» бірыңғай ақпараттық жүйесі енгізілуде. Ол өтініштерді мемлекеттік органның құзыретіне қарай автоматты түрде бөледі, сондай-ақ өтініш берушіні өтінішті қарастыудың барлық кезеңдері мен мерзімдері туралы хабардар етеді. Кодекс дау-дамайды сотқа жеткізбей, мемлекет пен қоғам арасындағы тиімді өзара іс-қимылды нығайту үшін көптеген мүмкіндіктер береді.

• 28.05.2021
• 231