ӘРПК түсіндіру үшін Алматы облысына жұмыс сапары

2021 жылдың 1 шілдесінен бастап қолданысқа енгізілетін Әкімшілік рәсімдік-процестік кодексті (ӘРПК) қабылдау басқару қызметіндегі неғұрлым өзекті және талқыланатын тақырыптардың бірі.
            ӘРПК негізгі ережелерін түсіндіру мақсатында бүгін жұмыс сапары барысында Алматы облысына бардым.

Облыс әкімі Амандық Ғаббасұлы Баталовпен, облыстық сот төрағасымен, облыс прокурорымен және ХҚКО-а өкілдерімен кездестім.

Кодекс әкімшілік рәсімдер саласындағы қоғамдық қатынастарды реттеуге бағытталған, «Халық үніне құлақ асатын мемлекет» тұжырымдамасын одан әрі дамытуға ықпал етеді, мемлекеттік органдар қызметінің тиімділігін арттырады және мемлекеттік органдардың шешімдер қабылдау процесінде, сондай-ақ мемлекеттік органдармен дауларды жоғары тұрған органда және сотта қарау кезінде азаматтар мен заңды тұлғалардың құқықтарын қорғау кепілдіктерін бекітеді.

Жалпы, ӘРПК-дан сыбайлас жемқорлық тәуекелдерінің және сот жүйесіне түсетін жүктеменің төмендеуін және әкімшілік органдардың қабылдайтын шешімдерінің, оның ішінде азаматтардың өтініштерін қарау бойынша шешімдерінің сапасын арттыруды күтеміз.

• 11.06.2021
• 210