Алматы қаласының мамандандырылған ауданаралық әкімшілік сотының ғимаратына бардым

          Бүгін мен жұмыс сапары барысында Алматыдағы жаңа мамандандырылған ауданаралық әкімшілік сотының ғимаратында болдым.

          Алматы қалалық сотының төрағасы Асқар Смайлов мені соттың ашылуына дайындық барысымен таныстырды.

          Әңгімелесу барысында Алматы қаласының әкімшілік соты республиканың басқа әкімшілік соттары арасында құрамы мен штаттық құрамы жағынан ең ірі сот екені айтылды.

          Сапар барысында мен басқа да мәселелермен қатар, пандемия кезінде сотқа келушілердің қауіпсіздігін қамтамасыз ету жөніндегі шаралар туралы өз ұсыныстарыммен бөлістім.

          Бұл сапар 1 шілдеге дейін елімізде әкімшілік әділеті жұмыс істей бастайтын және жаңа мамандандырылған әкімшілік соттар жұмыс істей бастағанға бірнеше күн қалғанына байланысты.

• 25.06.2021
• 314