Облыс әкімдігінің кеңейтілген мәжілісі өтті

Кеше облыс әкімдігінің кеңейтілген мәжілісі өтті. Жиынға орынбасарларым, салалық мекеме басшылары және селекторлық байланыс арқылы Қызылорда қаласы мен аудан әкімдері қатысты. Күн тәртібінде 3 мәселе қаралды: 2021 жылдың бірінші жартыжылдығының қорытындысы бойынша облыстық бюджеттің игерілуі және әлеуметтік-экономикалық дамуының қорытындылары, салық салу базасын кеңейту мәселесі мен 2021-2022 жылдардағы жылу маусымына дайындық барысы.

2021 жылдың 1 шілдесіне облыс бюджет түсімдері 105,2 % орындалды. Шығындар жоспары 99,8 % игерілген. Өткен жылдың осы кезеңімен салыстырғанда жергілікті бюджеттердің меншікті кірістері 7,7 млрд.теңгеге өсіп, 127,6% құрады.

2021 жылдың 1 жартыжылдығына жергілікті бюджеттің болжамы 135 % орындалып, жергілікті бюджетке 35,9 млрд. теңге қаржы түсті.

Әлеуметтік сала нысандарына алдағы жылу беру маусымында 33 мың тонна қатты және 25 мың тонна сұйық отын, ал тұрғындарға 140 мың тонна қатты отын қажет. Облыс бойынша орталықтандырылған жылу жүйесіне қосылған 811 көпқабатты тұрғын үй бар, бүгінгі күні олардың 12% жылу беру маусымына дайын. Қалғандарында бекітілген кестеге сәйкес жұмыстар жүруде.

Қаржының игерілуі мен әлеуметтік-экономикалық ахуалды жақсарту, салық салу базасын кеңейту және жылу маусымына дайындық барысын пысықтау бойынша нақты тапсырмалар бердім. Аталған жұмыстар бақылауымда болады.

• 29.07.2021
• 329