Президент Қасым-Жомарт Тоқаевтың Корея Республикасына жасаған іссапары кезінде делегация құрамында болдым.

Президент Қасым-Жомарт Тоқаевтың Корея Республикасына жасаған іссапары кезінде делегация құрамында болдым. Кездесулер барысында ортақ жобалар бойынша бірқатар идеялар туындады.

Мәселен, ғылым және АКТ министрі Ли Хесук ханыммен ақпараттық-коммуникациялық технологиялар, электрондық өнеркәсіп пен мемлекеттік қызметтер саласында әріптестік орнату жөнінде сөйлестік. Біз сияқты Корея да бұл бағыттағы жұмыстарға ден қойған.

Bespin Global ІТ-компаниясының президентімен де кездесіп, біздің мамандарды бұлтты сервистер, Big Data, блокчейн, заттар интернеті, жасанды интеллект және т.б. цифрлық игіліктер бағытында машықтау мәселесін сөз еттік. Бұл ұйым Forbes нұсқасы бойынша Оңтүстік Корея стартаптарының топ-10 тізіміне еніп, бұлтты шешімдер саласында көш бастап тұр.

Сондай-ақ Оңтүстік Кореяның технологиялық зерттеулер бойынша алдыңғы қатарлы жоғары оқу орындарының бірі - Inha University вице-президентімен озық ақпараттық технологиялар саласында ғылыми әріптестік орнату, тәжірибе алмасу және қазақстандық ІТ-мамандарды оқыту үшін Astana IT University-мен коллаборация мүмкіндігін талқыладық.

Жасанды интеллект саласын дамытуға жол ашу мақсатында Astana Hub негізінде ғылыми-зерттеу зертханасын ашуға ұсыныс жасадым.

Бұл сапар мазмұнды және тиімді болды, енді мақсат-міндеттерімізді жүзеге асыру үшін серіктестікті нығайту мәселесін пысықтаймыз.

• 19.08.2021
• 277