Бюрократия, түрлі күрмеулер, деректер базасындағы қайшылықтар – бұл кез-келген мемлекетте кездесетін проблемалар.

Бюрократия, түрлі күрмеулер, деректер базасындағы қайшылықтар – бұл кез-келген мемлекетте кездесетін проблемалар.

Цифрлық үкімет офисінде (ЦҮО) Президентке осы мәселелерді шешудің тың әдісін көрсеттік. ЦҮО – бұл күнделікті проблемаларды мекемелердің ғана емес, азаматтық қоғамның қатысуымен шешуге мүмкіндік беретін офис. Бұл жерде жан-жақтан түскен жағдаяттардың күрмеуі шешіледі.

Цифрлық үкімет офисіндегі Ситуациялық орталық үшін барлық ақпараттық базалар қолжетімді болады және күллі аймақтармен етене жұмыс істеп, жағдайды назарда ұстайды. Нәтижесінде шынайы ақпаратқа жол ашылып, қағаздағы және excel түріндегі есептер жойылады.

Кейде күдікті есептер мен дәлелсіз деректердің болатыны жасырын емес.

Мәселен, биыл вакциналау бойыншаосындайжағдайболды. Кейбір ірі кәсіпорындар мен әкімдіктердің есебіндегі көрсеткіштерді біз түрлі базалардағы мәліметтермен салыстырып, сараптама жасағанымызда, сандар сәйкес келмей, "басқа ақиқатты" анықтадық. Қазір біз елдегі вакциналау үрдісінің өсімі бойынша деректерді көре аламыз.

Ситуациялық орталықтан басқа ЦҮО құрамында Ұлттық аналитикалық орталық, цифрлық трансформация орталығы және ұлттық жобалау офисі бар.

Ұлттық аналитикалық орталық математикалық үлгілеуді қолданып, базадағы корреляцияларды іздестіреді, болжап, талдау жасайды.

Ал ЦТО хаосты автоматтандыруға тосқауыл қояды. Мысалы, бұған дейін жеке тұрғын үй құрылысына жер учаскесін алу үшін 11 қадам жасап, 88 күн күту керек болса, жаңа үдеріс енгізілгеннен бері бұл қызметтің нәтижесіне 3 қадам жасап, 8 күнде қол жеткізуге болады.

ҰЖО – барлық ұлттық жобаларды бақылап, қажет болған жағдайда түзетулер енгізіп, KPI орындалмай жатқандығы туралы ескерту жіберетін жүйе. Мысалы, ұлттық жобадағы мақсат - 1000 мектеп салу. Қаншама уақыт күтеміз, алайда құрылыс уақтылы бітпей, ақыр аяғында «кім кінәлі» деп сергелдеңге түсеміз. Ал ҰЖО –да жобалық басқару бойынша ортақ жүйе болады, сол жерге барлығы өз міндеттемесін орындау барысына қатысты деректерді толтырып отырады. Біз қағаздағы есептер мен хаттарды жойғымыз келеді. Енді жүйе тендер жарияланғаннан бастап, барлық жұмыстар барысын қадағалап, тәуекелдерді алдын-ала анықтайды.

Мұндай мысалдар жетерлік, командамыз оң үрдістерді көздеп отыр, сондықтан бұл бағыттағы жұмыстарды жалғастыра береміз.

• 10.09.2021
• 209