Электрондық сауда саласын дамыту мәселелері

Бүгін Үкімет отырысында қазақстандықтардың түрлі цифрлық сервистерді белсенді түрде пайдалана бастағаны  туралы баяндама жасадым. Пандемия кезінде экономика саласы онлайнға көшуде.

ФРОНТ.

Халық аса қажет тауарларын электрондық сауда арқылы алуда. Негізінен азық-түлік, дәрі-дәрмек және балалар тауарларын көбірек сатып алуда. Дегенмен, антибиотиктерді онлайн сатып алуда проблемалар бар. Өйткені бұл дәрілер дәрігердің рецептісімен ғана сатылады.

Осы орайда, Денсаулық сақтау министрлігімен бірлесіп,  интернет-дүкендерді телемедицинамен байланыстырып, рецептіні онлайн беретін боламыз.

Азық-түлік өнімдеріне келсек, ауыл шаруашылығы өндірушілерін онлайн сауданы қолдануға шақырамын. Осы орайда, ірі ритейлерлер мен ауыл шаруашылығы өндірушілерін тікелей байланыстыратын агроөнім саласында цифрлық платформа құру ұсынылуда.

Бұл ауыл шаруашылығы өндірушілеріне өнімдерін тікелей онлайн сатуға мүмкіндік береді. Сонымен қатар, олар өзіне ыңғайлы банктік және логистика сервистерді  таңдай алады, сондай-ақ тауарларды ОРО-да сақтау процесін ұйымдастыру мүмкіндігі бар.

Электрондық сауданың дамығанының бір көрінісі бизнестің оффлайннан онлайнға өтуі. Ол үшін, клиентке тауарды көрсету үшін оны суретке түсіре білу, брендті қалыптастыру, тауарды орау және т.б., яғни қарапайым нәрселерді үйретуден бастауымыз керек. Өйткені, бұлардың бәрі  электрондық саудаданың талаптары.  Біз оларды #AstanaHub-қа жинаймыз.

Жалпы, барлық салада олайн сервистерді дамыту үшін қазақстандық өндірушілерді онлайн жүйеге шығару бойынша белсенді жұмыс істеу ұсынылады.

Сондықтан, ҚР Еңбек және әлеуметтік қорғау министрлігі мен «Атамекен» ҰКП бірлесіп, кәсіпкерлерге онлайн-сатудың қыр-сырларын оқыту жөніндегі арнаулы бағдарлама жасаймыз.

БЭК.

Электрондық сауданың негізгі құралы – дамыған логистикалық инфрақұрылым.

Пандемия кезінде Амазон жаңадан 100 мың жұмыс орынын ашты. Aliexpress-те ресейлік сатушылар айналымы 3 есеге өсті.

Қолданыстағы кейс ретінде қазақстандық интернет-дүкен Flip.kz айта аламын, пандемия кезінде компания жұмыс орындарының санын  20% - ға өсірді.

«Соңғы миля».

Клиенттер өз тауарларын жедел және өздеріне ыңғайлы тәсілмен алғысы келеді. Қазпошта инфрақұрылымы бұл мәселені поштаматтар мен супермаркеттердің көмегімен шешуде.

Сондай-ақ, интернет-дүкендер өзінің қоймалары мен логистикалық инфрақұрылымын дамытуда.

Сондықтан, Қазақстанның Даму Банкімен бірлесіп, қазақстан нарығындағы электрондық сауда ойыншыларына жеке инфрақұрылымын қолайлы және тұрақты дербес дамытуын несиелеу  үшін  жаңа өнім әзірлеуді пысықтаймыз.

• 28.07.2020
• 669