Азаматтық хал актілерін мемлекеттік тіркеуді ұйымдастыру, азаматтық хал актілерінің жазбаларына өзгерістер енгізу, қалпына келтіру, күшін жою бойынша

Әділет министрінің 2021 жылғы 18 қазандағы № 899 бұйрығымен Азаматтық хал актілерін мемлекеттік тіркеуді ұйымдастыру, азаматтық хал актілерінің жазбаларына өзгерістер енгізу, қалпына келтіру, күшін жою қағидаларына өзгерістер мен толықтыру енгізілді.

Әкімшілік рәсімдік-процестік кодекстің 63, 64 және 73-баптарына сәйкес келтіруге қатысты өзгерістер енгізілді.

Атап айтқанда, қызмет көрсету үш күн мерзімінен асатын мемлекеттік қызметтер көрсету кезінде қолайсыз акт шығару кезінде тыңдауды өткізу рәсімі енгізілді.

Сондай-ақ, азаматтық хал актілері жазбаларының көшірмелері электрондық нұсқалардан берілетін болады.

Азаматтық хал актілері жазбаларының мұрағаттық көшірмесін алу қажет және бұл туралы сұрау салуда болған кезде, акт жазбасының көшірмесі акт кітабының бірінші данасынан беріледі (жіберіледі), ол азаматтық хал актісінің бастапқы тіркелген жері бойынша ауданның (қаланың) тіркеуші органының мұрағатында сақталады.

Сонымен бірге, азаматтық хал актілері жазбаларының көшірмелерінің сұратуында «Ақпаратқа қол жеткізу туралы», «Дербес деректер және оларды қорғау туралы» Қазақстан Республикасының Заңдарына сәйкес дербес деректерді жинау және өңдеу мақсатын көрсету қажет.

Бұйрық 2021 жылғы 27 қазанда Қазақстан Республикасы нормативтік құқықтық актілерінің Эталондық бақылау банкінде электрондық түрде ресми жарияланды (https://adilet.zan.kz/kaz/docs/V2100024870).

• 12.11.2021
• 285