Жаңа оқу жылына дайындық мәселелері

Бүгін Үкіметтің кезекті мәжілісінде оқу жылына дайындық мәселесі бойынша қосымша баяндама жасадым.

1 қыркүйекке дейін 97 ауыл, ал жыл соңына дейін 928 ауыл оптикалық-талшықты байланыс арнасына қосылады. Осылайша, халық саны 250ден көп барлық ауыл жоғары жылдамдықты интернетпен қамтылады.

Сондай-ақ, байланыс операторлары 1086 мектепке келіп тұрған интернет жылдамдығын 8 Мбит/с дейін арттырады.

Осымен бірге, ҚР БҒМ анықтаған 380 отандық білім беру ресурсын шектеусіз пайдалану туралы мәселе телекоммуникация операторларымен пысықталғанын атап өткім келеді.

Zoom бағдарламасына қатысты көптеген пікірлер мен наразылықтар айтылды.

Білім беру платформасын әзірлеушілермен кеңес өткізіп,  платформаны  өңірлердегі мәліметтерді өңдеу орталықтарына бөліп орналастыру туралы шешім қабылдадық. Бұл интернет жүктемесін азайтуға, сондай-ақ,  «open source» технологиясын қолдана отырып, білім беру платформаларында бейнеконференцбайланысты өрістетуге мүмкіндік береді. Бұрын бәрі орталықтандырылған  және интернет-трафиктің бір жерге топтасуы қиындық тудырған болатын.

Интернеттің сапасын жақсарту бойынша қосымша іс-шаралар жүргізілуде. Радиожиілік спектрі тек Нұр-Сұлтан, Алматы және Шымкент қалаларында талдау жасалды, оның негізінде біз қосымша антенна-діңгек құрылыстарын орнату және электр қуатын беру қажет болатын нақты локацияларды анықтадық. Осылайша, сигнал әлсіз аймақтар бойынша мәселе шешілетін болады. Осындай радиожиілік спектрін өлшейтін  жылжымалы кешен елімізде 2-еу ғана бар. Еліміздің барлық өңіріндегі байланыс сапасын бақылауды қамту ету үшін осындай 17 кешен қажет. 

Елімізді интернетпен толық қамту үшін жергілікті атқарушы органдар, байланыс операторлары және осы салаға жетекшілік етіп отырған біздің министрлік бірлесіп, жұмысты ары қарай жалғастырамыз.

• 04.08.2020
• 411