Онлайн-курс: «Әкімшілік рәсімдік процестік заңнамасы саласындағы өзекті мәселелер».

2021 жылғы 23 қарашада сағат 15:00-де Қазақстан Республикасы Әділет министрлігінің Құқықтық ақпараттық қызметімен «Әкімшілік рәсімдік процестік заңнамасы саласындағы өзекті мәселелер» тақырыбында вебинар нысанында халықтың құқықтық сауаттылығын арттыру бойынша онлайн-курс өткізіледі.

Вебинарға қатысушы бола отырып, Сіз мынадай мәселелер бойынша ақпарат ала аласыз: мемлекеттік органдардың ішкі және сыртқы әкімшілік рәсімдері, әкімшілік рәсімдердің негізгі қағидалары, кезеңдері мен қатысушылары, әкімшілік рәсімді қозғау, әкімшілік істі қарау, оңайлатылған әкімшілік рәсімді жүзеге асыру тәртібі, шағымды қабылдау, тіркеу, қарау, шағымды қайтару және кері қайтарып алу, шағымды қарау нәтижелері бойынша шешімдердің түрлері.

Вебинардың теориялық бөлімінен кейін қатысушылар тақырып бойынша қызықты сұрақтар қоюға мүмкіндік алады.

Вебинар ҚР ӘМ «ЗҚАИ» ШЖҚ РМК YouTube арнасында өткізіледі.

YouTube арнасына сілтеме https://www.youtube.com/user/rkaokz.

Алдағы онлайн-курс бойынша қосымша сұрақтарды телефондар арқылы алуға болады: 119; 8 (7172) 58 00 58.

• 18.11.2021
• 168