Үкіметтік емес ұйымдардың азаматтық қоғамды құрудағы рөлі

Бүгін Х Азаматтық форум аясында Әділет министрлігінде үкіметтік емес ұйым және азаматтық сектор өкілдерінің онлайн қатысуымен кездесу өтті. Шара аясында  әділет органдарының цифрландырылуы, 2030 жылға дейін ҚР құқықтық саясатты тұжырымдамасын жүзеге асыру, зияткерлік меншік саласын жетілдіру мәселелері қозғалды.

   Айта кетейік, әділет органдарын цифрландыру аясында құрамына 28 жоба енген Digital Justice арнайы бағдарламасы қабылданды. Әділет министрлігінің барлық 47 мемлекеттік қызметі электронды форматқа көшірілді. Азаматтардың ыңғайлылығы үшін мемлекеттік қызметті қағаз түрінде алу мүмкіндігі сақталып қалды.  

Жыл басынан бері министрлік 4 млннан астам қызмет түрін көрсеткен. Мемлекеттік қызметті электронды форматта алу көрсеткіші 96 % - 98% дейін өсті.

Биыл қазан айында 2030 жылға дейін ҚР құқықтық саясат тұжырымдамасы қабылданған болатын. Құжатта ұлттық құқықтық жүйені жетілдіру жолында жасалып жатқан нақты қадамдар қарастырылған.

Айта кетейік, тұжырымдаманы жүзеге асыруға барлық мемлекеттік органдар, отандық ғалымдар мен үкіметтік емес ұйым өкілдері қатысты.

Бұдан басқа, тәуелсіздік жылдары зияткерлік меншік саласында құқықтық база құрылды. Еліміз Дүниежүзілік зияткерлік меншік ұйымының мүшесі ретінде 19 халықаралық келісім шарт қатысушысы саналады. Отандық азаматтардан бөлек, шетелдік және азаматтығы жоқ адамдардың зияткерлік меншік құқығын қорғайды және мойындайды. Министрлік барлық бағытта жұмысты қарқынды түрде жалғастыра бермек. 

• 18.11.2021
• 318