Стати жеңілісін мойындады: Ұлттық қордың 530 миллион АҚШ доллары сомасына салынған тыйым алынады

2021 жылғы 22 қарашада Анатол мен Габриель Стати Бельгиядағы Ұлттық қордың 530 миллион АҚШ доллары сомасына тең активтеріне салынған тыйымның күшін жою керек екендігін мойындады. Бұл Қазақстан Республикасы мен Қазақстан Ұлттық Банкіне қарсы Бельгиядағы процесте Статидің ешқандай перспективасы жоқ екендігінің белгісі.

Статимен салынған тыйымның алынуы Брюссель Апелляциялық сотының 2021 жылғы 16 қарашадағы шешімінің тікелей нәтижесі болып табылады. Бұл шешім Статидің ірі көлемдегі алаяқтық схемаға қатысы бар және ол тек төрелік сотты ғана емес, сонымен қатар, төрелік шешімнің күшін жою жөніндегі процесс кезінде Швеция соттарын да жаңылыстырғанын анықтады.

Стати Бельгиядағы сот талқылауын 2017 жылдың соңында қозғады. Бұл 2018 жылғы мамырда Bank of New York Mellon сақтауындағы Ұлттық қорға тиесілі 530 миллион АҚШ долларына тыйым салынуына әкеп соқты.

Бельгиядағы іс жүргізу келесі үш процесті қамтиды: (і) төрелік шешімді тану және орындау бойынша іс жүргізу, (іі) уақытша тыйым салу бойынша іс жүргізу және (ііі) активтерге уақытша тыйым салуды атқарушылық іс жүргізуге ауыстыру. Осы процестер Брюссельдің Апелляциялық сотымен Стати ұйымдастырған ірі көлемді алаяқтық нәтижесінде алынған төрелік шешімге негізделген.

Сонымен қатар, уақытша тыйым салу процесі аясында Лондонның Жоғарғы сотында бөлек сот процесі болғанын қосымша хабарлаймыз. Оның нәтижесінде 2020 жылғы наурызда Республика мен Ұлттық Банк пайдасына шешім қабылданды. Осы Лондондағы процесте Жоғарғы соттың 2021 жылғы ақпандағы Республика мен Ұлттық Банктің 3,7 миллион доллар көлеміндегі сот шығындарын төлеуге міндеттейтін шешім Статидің жеңілісінің нәтижесі болды. Алайда, Стати шешімді осы уақытқа дейін орындамады.

• 24.11.2021
• 182