Жуырда баламыз туғанда, проактивті қызметтердің игілігін көрдік.

Жуырда баламыз туғанда, проактивті қызметтердің игілігін көрдік. Егер телефон нөміріңіз мобильді азаматтар базасында тіркелген болса, сізге автоматты түрде құттықтау хабарламасы келеді. Жауап ретінде сәбиіңіздің аты-жөнін жазып жібересіз де, сосын дұрыс жазылғанын тағы бір мәрте растайсыз. Кейін АХАТ-ты таңдап, тиісті санды жіберген соң туу туралы куәлікті қашан және қай жерден алатыныңыз туралы хабарлама келеді.

Жалпы, жыл басынан бері мұндай қызмет 35 000 рет алынған.

Сондай-ақ проактивті түрде балабақшаға кезекке тұрып, смс арқылы шот нөмірін жіберу арқылы жәрдемақыларды да (жөргекпұлдарды) ресімдеуге болады.

Біз мемлекеттік қызметтерді осылай проактивті түрде ұсынып, адамдарға ыңғайлы және жайлы ету үрдісін жандандыра береміз.

P. S. Клиент ретінде қызмет алу үдерісін өз басымнан өткергенім жақсы болды. Кейбір олқылықтарды байқадым, енді әріптестеріммен талқылап, қызметтерді одан сайын жетілдіруге күш саламыз.

• 29.11.2021
• 260