Интернет сигналының деңгейін тексеріңіз

Бүгін ОКҚ алаңында өткен брифинг барысында байланыс сапасын өлшеуге арналған Bailanys. bar құралы туралы айттым. Оны біздің Министрлік әзірледі.

bailanys. bar құралын пайдалану өте қарапайым және түсінікті. Сайтқа кіргеннен кейін «Тексеруді бастау» түймесін басып, тұрған жеріңізді көрсетесіз де, Интернет жылдамдығын телефоныңыздан тексере аласыз.

Бұл мәлімет бірден бізге келіп түседі. Осы мәлімет бойынша біз Интернет сигналының сапасын бақылай аламыз. Төмен болған жағдайда байланыс операторларына байланыс сигналын жақсартуды тапсырамыз.

Сондай-ақ, байланыс сапасына қатысты бұзушылықтар анықталған жағдайда Интернеттің мәлімделген жылдамдығына сәйкес келуі тексеріліп, байланыс операторларына 100 АЕК мөлшерінде әкімшілік айыппұл салынады.

2020 жылдың 8 айында жоспардан тыс 33 тексеру жүргізіліп, нәтижесінде байланыс операторларына салынған жалпы айыппұл көлемі 900 АЕК құрады.

• 11.09.2020
• 446