Жұмысымыз қауырт болса да, біз жұбайымыз екеуiміз балаларымызға көбірек көңіл бөліп, қамқор болуға тырысамыз.

Жұмысымыз қауырт болса да, біз жұбайымыз екеуiміз балаларымызға көбірек көңіл бөліп, қамқор болуға тырысамыз. Оның үстіне ата-әжелері де айналып-толғанып жатады. Немерелерін мейірімге бөлеп жатқан ата-аналарымызға алғысымыз шексіз!

Бала-шағамыз да оларға ерекше ықылас танытып, бірге болғанды жақсы көреді. Жуырда қызымыз жарысқа жолдама алып, біз бара алмайтын болғандықтан, онымен бірге менің әкем жол жүріп келген еді. Сапар кезінде әкемнің туған күні болды. Осы себепті бүгін бәріміз бас қосып, отбасылық мереке ұйымдастырдық.

Оған көптеген жүрекжарды тілектер айтылды. Алайда осы керемет күнді бір жылдан кейін Facebook пен Instagram есіме салсын деген оймен желі арқылы әкемді тағы бір мәрте құттықтағым келеді:

Қадірлі Әке! Балаларыңызға, немерелеріңізге, туыстарыңызға асқар таудай панасыз! Бүгінгі біздің беделіміз, жеткен жетістігіміз сіз берген тағылымды тәрбиенің арқасы. Жастайымызда түсінбей, ренжіген шақтар болатын, бірақ қазір сіздің бізге берген бағыт-бағдар мен нұсқауларыңыздың дұрыстығына көзім жетуде. Біздің әулеттің үлкені де, арқасүйер ағасы да өзіңіз. Зейнеткерлікке шықсаңыз да, әлі талай жастарға үлгі болар ширақтығыңыз, өсиет таратар қабілетіңіз мол, сондықтан сізді зейнеткер деп санамаймын)

“Аллаһ уа тағала анам екеуіңіздің денсаулықтарыңызды мықты қыла көргей, барлық немерелеріңіздің жетістіктерін өзіңіз тамашалап, тойларын өткізуге жеткізгей,

шөбере сүйдіре көргей” деп дұға етем.

Әрбір жан "өмірде не жасадым, ертең Алланың алдында қалай жауап берем" деп өзіне сұрақ қояды. Сіз осы сұрақтарға еш кідірместен, басыңызды тік көтеріп жауап бере алатыныңызға ешқандай күмәнім жоқ... Содан Аллам айырмасын!

• 02.12.2021
• 221