Әділет министрі бұйрығының жобасын жария талқылауға шақырамыз

ҚР Әділет министрлігі «Селекциялық жетiстiктердің, өнеркәсiптiк меншiк объектiлерiнің, тауар таңбалары және тауар шығарылған жерлердiң атауларының, интегралдық микросхемалар топологияларын тіркеу өтінімдеріне сараптама жасау қағидаларын бекіту туралы» ҚР Әділет министрінің 2018 жылғы 29 тамыздағы № 1349 бұйрығына өзгерістер енгізу туралы» ҚР Әділет министрінің бұйрық жобасын (бұдан әрі – бұйрық жобасы) әзірледі.

Бұл редакция сыбайлас жемқорлық тәуекелдерін жою мақсатында (әділет органдарының қызметінде сыбайлас жемқорлық тәуекелдеріне ішкі талдау жүргізу жөніндегі жұмыс тобының ұсынымы) өтініш берушіге сұрау салу үшін негіздемелердің толық тізбесін енгізу жолымен ұсынылады, бұл сарапшының заңнама ережелеріне сілтемелермен өз сұрау салуын негіздеуге жауапкершілігін күшейтеді.

Қазіргі уақытта тауар таңбаларына өтінімдерді сараптау барысында сұрау жіберу үшін негіздемелер регламенттелмеген.

Қоғамдық талқылау 2021 жылғы 13 желтоқсаннан 2021 жылғы 13 қаңтарға дейін жүргізіледі.

Барлық қызығушылық танытқан азаматтар Қазақстан республикасы Әділет министрлігінің нормативтік құқықтық актілерін талқылауға келесі сілтеме бойынша: https://legalacts.egov.kz/arm/admin/viewcard?id=13768200  қатысуға мүмкіндігі бар.

• 15.12.2021
• 245