Қазақстан Республикасында электрондық апостиль енгізу жөніндегі

2022 жылы 15 желтоқсанда Әділет министрлігінде Білім және ғылым, Ішкі істер, Қаржы, Мәдениет және спорт министрлерінің, Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғарғы Соты аппаратының) басшысының, Бас Прокурордың міндетін атқарушы және Әділет министрі міндетін атқарушысының бірлескен  бұйрығы (бұдан әрі – Бірлескен бұйрық) тіркелді.

 «Әділет органдарынан және өзге де мемлекеттік органдардан, сондай-ақ нотариустардан шығатын ресми құжаттарға апостиль қою» мемлекеттік қызметті автоматтандыру шеңберінде 2021 жылда Әділет министрлігінде электрондық апостиль іске қосылды.

Өткізілген пилот азаматтар үшін де, мемлекеттік органдар үшін де өзінің тиімділігі мен ыңғайлылығын көрсетті. Онлайн форматта 5 мыңнан астам құжат рәсімделді.

 Электрондық апостиль апостильді беру, жазу және тексеру үшін жылдам, қауіпсіз және қағазсыз процедураны енгізеді. Ол сондай-ақ жұмыс процестерін жеңілдетеді.

Электрондық апостиль мөртабаны бар электрондық құжатты https://egov.kz/cms/kz/services/apostil/apostil сілтемесі арқылы тексеруге болады.

2022 жылғы 2 қаңтардан бастап Бірлескен бұйрық күшіне енеді, ол  2021 жылғы 22 желтоқсанда Қазақстан Республикасы нормативтік құқықтық актілерінің эталондық бақылау банкінде электрондық түрде ресми жарияланған (https://adilet.zan.kz/kaz/docs/V2100025789/info).

• 31.12.2021
• 298