Біздің 1414 байланыс орталығы әлі де қоңыраулар қабылдап, қасіретті күндері із-түссіз жоғалып кеткендерді іздеуге көмектесуде және психологиялық қолдау жасауда.

Біздің 1414 байланыс орталығы әлі де қоңыраулар қабылдап, қасіретті күндері із-түссіз жоғалып кеткендерді іздеуге көмектесуде және психологиялық қолдау жасауда. Азғантай уақыттың ішінде әріптестеріміз 100 мың қоңырау қабылдады: көбіне азық-түлікке өтінім беруде, еріктілер қатарына қосылуға ниет білдіріп жатыр, бірақ соның ішінде екі мыңнан астамы - із-түссіз жоғалған жақындарын іздеп хабарласқандар.

Байланыс орталығына түскен барлық деректер құқыққорғаушы органдар мен бас прокуратураға жолданады. Сондай-ақ қалыпты өмірге оралу процесін жеделдету үшін біз бас прокуратурамен бірге www.stopterrorism.kz веб-сайтын іске қостық. Бұл сайтқа азаматтар жаппай тәртіпсіздікке қатысты видео, фото және аудиожазбаларды жасырын түрде жүктей алады.

Ортақ ауыртпалыққа бей-жай қарамайтын қазақстандықтардың арқасында жапа шеккендерге қолұшын беріп, аз уақыттың ішінде тәртіп орната аламыз деген үміттемін. Жұмыла көтерген жүк жеңіл!

• 14.01.2022
• 39