ҚР кейбір конституциялық заңдары мен кейбір заңдарына түзетулерді енгізуді көздейтін заңға қол қойылды

7 ақпанда Мемлекет басшысы ҚР кейбір конституциялық заңдары мен кейбір заңдарына түзетулерді енгізуді көздейтін заңға қол қойды.

Аталған заңдар биліктің өкілді тармағында әйелдердің, жиырма тоғыз жасқа толмағандардың және мүгедектердің мемлекет өміріне белсенді еңбекке араласуын көздейтін пікірінің болуын және ескерілуін қамтамасыз етуге бағытталған.

«Қазақстан Республикасының кейбір конституциялық заңдарына өзгерістер мен толықтырулар енгізу туралы» Конституциялық заңда Парламент Мәжілісінде депутаттық мандаттарды бөлу кезінде «Саяси партиялар туралы» заңда белгіленген квотаның міндетті түрде ескерілуі көзделген.

«Қазақстан Республикасының кейбір заңнамалық актілеріне өзгерістер мен толықтырулар енгізу туралы» Заңда мүмкіндігі шектеулі тұлғалардың Парламент Мәжілісі депутаттығына кандидаттардың партиялық тізімдеріне квота қосуы қарастырылған.

Бұл тәсілдер қоғамдағы әлеуметтік теңгерімсіздікті жоюға және заманауи қажеттіліктерді қанағаттандыруға бағытталған.

Биліктің өкілді органдарын қалыптастырудың құқықтық тетіктерін жетілдіру ең өзекті әлеуметтік мәселелерді шешуде азаматтардың неғұрлым кең санатының пікірін ескеруге мүмкіндік береді.

Парламентте заң жобаларын қарау барысында заңдардың нормалары да Қауіпсіздік Кеңесінің, Қазақстан халықтары Ассамблеясының және Қазақстан Республикасының Тұңғыш Президенті – Елбасының қызметі мәселелері бойынша түзетулермен толықтырылды.

• 10.02.2022
• 172