Әділет министрлігінің алқа отырысы өтті

Ү.ж. 11 ақпанда онлайн режимде ҚР Әділет министрлігінің кеңейтілген алқа отырысы өтті. Әділет министрлігінің 2021 жылғы жұмысының қорытындысы шығарылып, 2022 жылға арналған басым міндеттері айқындалды. Ағымдағы жылы басты назар аудару қажет болатын ең маңызды бағыттарға тоқталды.

"Мемлекет басшысының жыл басынан бері берген тапсырмаларын ескере отырып, жақын арада жұмыстың келесі бағыттарына ден қоямын. Заң шығару қызметіне елеулі назар аудару керек. Заң жобалау жұмысы жөніндегі ведомствоаралық комиссияның жұмысын қайта жүктеу үшін жағдай пісіп-жетілді. ВАК-тың өкілеттіктері мен мүмкіндіктері формализм мен бюрократиясыз толық көлемде пайдаланылуы үшін оның жұмыс істеу тетігін қайта қарау қажет. Бұл ретте мемлекеттік органдардың, бизнестің ұсыныстарын пайдалану, заң жобалары бойынша парламенттік жұмыс тәжірибесін зерделеу артық болмас еді".

• 14.02.2022
• 220