Жеке сот орындаушыларының қызметін лицензиялау туралы

2021 жылғы 15 қазанда жеке сот орындаушысында тағылымдамадан өту қағидаларына басқа мемлекеттік органдардан көрсетілетін қызметті алушыларға қатысты мәліметтерді ұсыну мәселелері бойынша заңнмаға сәйкес келтіру бөлігінде өзгерістер енгізілді.

2021 жылғы 20 қазанда Қазақстан Республикасының Әкімшілік рәсімдік-процестік кодексіне сәйкес «Жеке сот орындаушысы қызметімен айналысу үшін лицензия беру» мемлекеттік қызмет көрсету қағидаларына өзгерістер енгізілді.

Сонымен қатар, өтініштерді қабылдау және мемлекеттік қызмет көрсету нәтижесін беру «электрондық үкіметтің» www.egov.kz веб-порталы арқылы жүзеге асырылады.

Лицензия алу үшін тиісті құжаттар тізбесі

         - Электрондық құжат түріндегі өтініш (6 АЕК - 2022 жыл – 18 378 тенге, БСК – 105402, ТМК - 911), қайта ресімдеу – 1837,8 тенге.

- Қызметтің жекелеген түрлерімен айналысу құқығына лицензиялық алымның бюджетке төленгенін растайтын құжаттың көшірмесі.

- Ақпараты бар мәліметтер формасы:

         а) жоғары оку орнының атауы, дипломның номері мен сериясы, берілген күні, мамандықтар мен біліктіліктер атауы мен коды, шетел білім беру мекемелерімен берілген дипломдар үшін «Білім туралы» Заңына сәйкес нострификациялау және тану рәсімдерінен өткенін растайтын құжаттар мәліметтер;

         б) ұйымның атауымен қоса лауазымы, күні, айы, жылы.

Лицензиясын алуға құқылы

         - Қазақстан Республикасының Жоғары Сот Кеңесі жанындағы Біліктілік комиссиясында біліктілік емтиханын тапсырған, сотта тағылымдамадан ойдағыдай өткен және облыстық немесе оған теңестірілген соттың жалпы отырысының оң пікірін алған адамдар;

      - судьялар, сондай-ақ «Қазақстан Республикасының сот жүйесі және судьяларының мәртебесі туралы» Қазақстан Республикасы Конституциялық заңының 34-бабы 1-тармағының 1), 2), 3), 9), 10) және 12) тармақшаларында көзделген негіздер бойынша судья өкілеттігін тоқтатқан адамдар;

      - прокурор немесе тергеуші лауазымында кемінде бес жыл жұмыс істеген адамдар;

      - атқарушылық құжаттардың орындалуын қамтамасыз ету саласындағы мемлекеттік органдарда кемінде екі жыл жұмыс істеген адамдар.

         - тағылымдамадан және аттестаттаудан өтпек адамдар.

• 15.02.2022
• 193