Өткен аптада маңызды екі кездесу болды. Үндістан мен Ұлыбританияның Қазақстандағы елшілері Шубдаршини Трипати және Кэтрин Личпен кездестім.

Өткен аптада маңызды екі кездесу болды. Үндістан мен Ұлыбританияның Қазақстандағы елшілері Шубдаршини Трипати және Кэтрин Личпен кездестім.

Бір ай бұрын «Үндістан – Орталық Азия» саммитіне қатысқан президент Қасым-Жомарт Тоқаев цифрландыру саласындағы ынтымақтастық мәселесін көтерген болатын. Осы тақырыпты талқылаған кездесуде қазақ-үнді Үкіметаралық комиссиясы мен ІТ саласында ынтымақтастық жөніндегі жұмыс тобы аясында екіжақты серіктестікті дамытып, тәжірибе алмасуды ұсындым.

Бүгінгі таңда біз ҚР ЦДИАӨМ мен ҮР Электроника және ақпараттық технологиялар министрлігі арасында ІТ саласындағы ынтымақтастық туралы меморандумға қол қоюды жоспарлап отырмыз. Меморандумды Astana Hub және Bagmane технологиялық паркі дайындауда. Соның ішінде Қазақстанда Astana Hub негізінде Үндістанның ІТ ұйымдарының инженерлік офистерін және ІТ-мектептерін ашу туралы ұсыныс бар.

Сондай-ақ Ұлыбритания мен Солтүстік Ирландияның Қазақстандағы елшісі Кэтрин Личпен ғарыш, ІТ-сала, инфрақұрылымды дамыту және Smart City бойынша бірқатар мәселелерді талқылап, екіжақты ынтымақтастық жайлы сөйлестік.

Былтыр OneWeb британдық спутниктік компаниясымен бірге кеңжолақты байланыстың демонстрациялық жобасын іске қосқан едік. Осы орайда OneWeb компаниясы «Республикалық ғарыштық байланыс орталығы» АҚ-мен бірге ауылдық елді-мекендерді интернетпен қамтамасыз ету үшін радиожиілік спектрді пайдалану және жерүсті стансаларын салу бойынша нақты қадамдарды пысықтады.

Былтыр қазан айында Digital Bridge форумы аясында OneWeb және Ghalam арасында жалпы сомасы 15 млн АҚШ долларына спутниктерге тапсырыс беруге ниеттену туралы құжатқа қол қойылған болатын. Ghalam контракт жобасын жедел түрде жасауға дайын екендігін елшіге айттым. Халықаралық стандарттарға сай екендігі расталды және өндіріс учаскілері тапсырыс қабылдауға дайын.

Сонымен қатар білім беру және кадр дайындау мәселесін де талқыладық. Бізге 2025 жылға дейін 100 мың мықты ІТ-маман дайындау міндеті жүктелген, бұл орайда Ұлыбританияның тәжірибесі аса пайдалы болары анық.

• 01.03.2022
• 319