Өткен аптада 2 халықаралық іс-шара өткізілді

РЦӨИ «ЕАЭО цифрлық платформасы – елдердің кооперациясы» 2020 конференциясы шеңберінде әріптестерімен сөйлестім. Түрлі мәселелер талқыланды.

Өз тарапынан бірнеше қарапайым және өзекті проблемаларды шешуді ұсындым. Біріншіден, мемлекетаралық электрондық құжат айналымын реттеу, өйткені біз цифрлық күн тәртібі туралы бұрыннан айтып келеміз, ал қағаздардың ауқымды үйінділері әлі күнге дейін адасуда; Екіншіден, автокөлік бойынша тағы бір мысал келтірген болатынмын. Көліктер ел ішінде сатып алынып, сатылатындықтан, жол ережесін бұзады да, төлемейді, содан кейін біз бұл айыппұлдарды кімнен алу керектігін білмейміз.

Міне, осы екі кейстің мысалында – мен әрбір елге бастапқыда кем дегенде, осындай 10 сервисті таңдауды ұсындым, оларды біз бірге толыққанды пысықтап, интеграцияландыратын едік.

БҰҰ сессиясында негізгі мәлімдеме «Әлем әдепкі қалпы бойынша цифрланды» деген тіркеспен нақтыланды. Біз өз ойларымызбен бөлістік, қазақстандық компаниялар шетелдік әріптестеріне өздерінің жетістіктерін көрсетті.
Сондай-ақ, UNICEF пен Халықаралық электрбайланыс одағы Giga-ның әлемдегі әрбір мектепті интернетке қосуға және әрбір тұлғаны ақпаратқа, мүмкіндіктерге және таңдауға қолжеткізумен қамтамасыз етуге бағытталған бірлескен бастамасын іске асыру талқыланды. Пандемия және қашықтықтан білім беруге көшу жағдайында көптеген елдер осы жаһандық әріптестікті қолдайды. Қазақстанда Giga-ны іске асыру шеңберінде Қазақстан Республикасының Білім және ғылым министрлігі және UNICEF-пен бірлесіп бірінші кезеңді - интернетке қосылу бойынша деректері бар мектептердің интерактивті картасын жасауды өткізген болатынбыз.

Бірақ, БҰҰ Бас хатшысының орынбасары келтірген кейбір фактілері, мені таң қалдырғанын атап өткім келеді. Мысалы, Нью-Йоркте балалардың 20% - ы онлайн режимінде оқуға мүлдем қолжетімсіз! Ал бүкіл әлем бойынша 3,6 миллиард адам Интернетке қолжеткізе алмауда, оның 360 миллионы, яғни 10% - ы 15 пен 24 жас аралығындағы жастар.

Әрине, пандемия шындыққа өзгеріс енгізді және қазір біз күнделікті онлайн режимінде істейтін жұмыс көлемін түсініп, әлем бұдан былай бұрынғыдай болмайды.
Біздің алдымызда шындықты қалыптастырған ойландыратын мәселелер мен жаңа сын-қатерлер тұр, оларды шешу біздің әрқайсымыздың өмір сүру сапасына міндетті түрде оң әсер ететін мүлдем жаңа деңгейге шығуға мүмкіндік береді.

Сондықтан біз асыра сілтеп айтпаймыз. Кіші болса да, нақты істер жасағымыз келеді. Өйткені егжей-тегжейлер ақиқат астарында.

• 27.09.2020
• 418