1957 жылы 4 қазанда әлемдегі алғашқы жасанды Жер серігі жерге жақын орбитаға шығарылды.

Бұл заманалық оқиғаның Қазақстан үшін ерекше маңызы бар, өйткені нақты біздің жерімізден, «Байқоңыр» ғарыш айлағынан адамзаттың ғарыш дәуірінің басталуын атап өткен осы тарихи ұшырылым жүзеге асырылды.

ПС-1 серігінің сапары 92 күнге созылып, 1958 жылғы 4 қаңтарда аяқталды. Ол Жерді 1440 рет айналып өтті (шамамен 60 миллион шақырым), ал оның радио таратқыштары ұшу басталғаннан кейін екі апта бойы жұмыс істеп тұрды. Бұл оқиға ауқымды әлемдік резонанс тудырды, өйткені бүкіл әлем Жер серігі жіберген сигналды қабылдап, оны кез келген әуесқой радио тыңдаушы Жер шарының кез келген нүктесінен ұстай алатын болды.

Жердің жасанды серігін ұшыру ғарыш кеңістігінің қасиеттерін білу және Жерді Күн жүйесінің планетасы ретінде зерттеу үшін аса маңызды болды. Серіктен алынған сигналдарды талдау ғалымдарға ионосфераның жоғарғы қабаттарын зерттеуге мүмкіндік берді, бұған дейін ондай мүмкіндік ешкімде болмаған.
Сондай-ақ осы мәліметтердің арқасында атмосфераның жоғарғы қабаттарындағы серікті тежейтін тығыздық мөлшері анықталады.

1967 жылғы қыркүйекте Халықаралық астронавтика федерациясы 4 қазанды адамзаттың ғарыштық дәуірінің басталу күні деп жариялады.

• 04.10.2020
• 533