Әлемнің 600-ден астам қаласында іске қосылған, құны миллиардтаған доллар тұратын Indriver сервисінің СЕО – бас атқарушы директоры Арсен Томскиймен әңгімелестім.

Әлемнің 600-ден астам қаласында іске қосылған, құны миллиардтаған доллар тұратын Indriver сервисінің СЕО – бас атқарушы директоры Арсен Томскиймен әңгімелестім. Indriver командасының бір бөлігін Қазақстанға орналастырып жатыр – астана мен Алматыға. Біздің министрлік Astana Hub және тағы басқа мекемелердегі әріптестермен бірге команданың релокациясына және жайғасуына көмектесті.

Жаһандық нарықта ақша табатын ірі технологиялық компаниялардың келуі жергілікті экономикаға қаржы құю, салық төлемдерін ұлғайту, жұмыс орындарын қамтамасыз етумен қатар ІТ саласын жаңа әрі жоғары деңгейлі сараптама және біліммен жаңғыртады. inDriver-дің даму тарихы әсіресе жергілікті қауымдастық үшін қызықты, себебі бұл компания бұрынғы КСРО-ның құрамында болған, түркітілдес халқы бар және экономикасы шикізатқа тәуелді елдің шалғай аймағында пайда болған. inDriver командасының әлемдік нарыққа шығу стратегиясы мен тактикасы біздің стартаптар үшін қызық және пайдалы деп ойлаймын. Оның үстіне команда өз сараптамаларымен бөлісуге дайын - ең мықты ІТ-шеберлер дәріс беретін Smart коммерциялық емес оқу орталығына қолдау көрсетеді. Сондай-ақ балалар үйі мен шалғай елді- мекендерде тұратын балаларға бағдарламалау негізін оқытатын BeginIT жобасын да көп жылдан бері дамытып келеді. 2019 жылдан бері Қазақстанның бірнеше мектебі мен балалар үйі осы жобаға қосылған. Бұл бағдарламалардан басқа Арсен өз ақшасына 10-нан астам түрлі коммерциялық емес жобаларға қолдау көрсетіп келеді. Солардың көбі Қазақстанда да қанат жая алады.

Елімізде, соның ішінде біздің технопаркте осындай мықты командалар көбейген сайын елімізге пайдалы, әлеуетті инвесторларды тартатын мықты стартаптар да көбейе түседі. Біз өзара әріптестік орнатып, Қазақстанда әлеуметтік және білім жобаларын бірге дамытуға сөз байластық.

• 13.04.2022
• 250