Бүгін құттықтауға толы күн болды! Таңертең әріптестерімді Ғарышкерлер күнімен және eGov-тың 16 жылдығымен құттықтадым.

Бүгін құттықтауға толы күн болды! Таңертең әріптестерімді Ғарышкерлер күнімен және eGov-тың 16 жылдығымен құттықтадым. Біздің елді дамудың жаңа деңгейіне жетелейтін әлеуеті зор екі үлкен сала.

Тағы бір қуанышты жайт- жергілікті стартаптың АҚШ нарығына шығуы. Қаншалықты қарапайым болса, соншалықты жасампаз Алексей Ли бүгіннен бастап қазақстандық сервисті америкалықтарға ұсына бастады.

Алексей Ли - Қазақстанды жаңа қырынан танытып жатқан адам (компанияның құны 1 млрд доллардан асады). Арбуз.кз енді ғана іске қосылған кез есімде, Алексей бір қойманың ішінде бір жыл бойы процестерді құрумен айналысты. Америкалық нарыққа шығу үшін жігіттер жан-жақты дайындалып, тіпті локацияны таңдау барысында Алматыға ұқсас қалаларды қарастырды - халық саны, ауа-райы, таулы аймақ, экономикасы және т.б. Неліктен бұл мен үшін қуанышты жайт және Алексей командасына сенім артуға болады?

1. Ол- нағыз ІТ-маман. Тикетон және Авиата компанияларын көтерудегі тәжірибесі бар.

2. Кәсіпкерлікке қабілеті зор. Бұл сөзіме екі стартап дәлел бола алады (тикетон, авиата). Жобалардағы үлесін сәтті сатқан болатын.

3. Тамаша команда! Arman Suleimenov , Larissa Pak және т.б. Кілең өз ісінің шеберлері, басқаларға арман болған мамандар.

Сіздер енді қатардағы стартап емес, Қазақстанның беткеұстар ІТ-өнімісіздер! Тек қана алға. Іске сәт!

• 13.04.2022
• 248