Демалыс күндері жылдам, дегенмен жемісті өтті.

Демалыс күндері жылдам, дегенмен жемісті өтті. Сенбілік жиналыстардан кейін әріптестеріммен бірге үстел теннисі мен шахматтан корпоративтік турнирге қатыстық.

Бірақ ең бастысы- жұма күні Дина екеуміздің үйленгенімізге 16 жыл толды. The Gala балетіне барғымыз келген, алайда жұмыстан босай алмадым.

Дегенмен сенбіде Ratovich концертіне үлгердік. Керемет эмоцияға кенелдік. Әйгілі хиттердің каверін орындаған кезде тіпті кейбір кісілердің көздері жасаурады!

Бұл жігіттің талантына алғашқы рет саябақта куә болған едім. Оның сол кездегі видеолары желіде тарап кеткен. Жағалауда тегін ән салып тұратын дарынды баланы көбі тамсана тыңдайтын. Содан бері көп уақыт өткен жоқ, ал ол үлкен сахнаға шығып, қазір күллі Қазақстанға концерт қойып жүр. Бұл- үлкен еңбектің нәтижесі. Өз-өзіне сенімді адамдар ғана биікке самғай алады. Жастардың осылай жарқырап, жан-жақты дамып жатқандарына аса қуаныштымын және көп ұзамай шетелде де осындай концерттер қоюына тілектеспін!

• 04.05.2022
• 265