Алименттер жөніндегі борышкерлерді еңбекпен қамту

Алименттік төлемдерді уақтылы төлеу, ата-анасы бөлек тұратын баланы оның дамуы үшін қажеттінің барлығымен қамтамасыз ету үшін қажетті шарт болып табылады.

Алайда, алимент төлеуге міндетті барлық ата-аналар өз міндеттерін тиісті түрде орындамайды.

Алименттер берешектің пайда болуының негізгі себебі борышкердің тұрақты табысының жоқтығы екенін тәжірибе көрсетіп отыр.

Осыған байланысты, 2019 жылдан бастап Жеке сот орындаушыларының республикалық палатасы облыс, республикалық маңызы бар қалалардың әкімдіктерімен бірлесіп алименттер жөніндегі жасалған борышкерлерді жұмыспен қамту бойынша меморандумдар шеңберінде тоқсан сайын бос жұмыс орындары жәрмеңкелерін өткізеді.

Осылайша, 2022 жылдың 5 айында 76 жәрмеңке өткізіліп, оның қорытындысы бойынша 559 борышкер жұмысқа орналастырылды.

Осы бағыттағы жұмыс Әділет министрлігінің бақылауында.

• 02.06.2022
• 255