АХҚО сотының төрағасы Лорд Манспен кездесу өтті

2022 жылғы 13 маусымда АХҚО сотының төрағасы Лорд Манспен кездесу өтті. ХҚК делегациясының құрамына сондай-ақ ХҚК басқарушысы А.Қ. Келімбетов, ХАҚҚ сотының тіркеушісі және аппарат басшысы Кристофер Кэмпбелл-Холт және сот ісін жүргізу департаментінің директоры А. Игенбаев кірді.

Делегация мүшелеріне ілтипат білдіре отырып, Әділет министрі жүргізіліп жатқан реформалар, оның ішінде ел Конституциясына енгізілген түзетулер мен әкімшілік әділет жүйесін енгізу нәтижелері туралы, сондай-ақ сот актілерін барынша тиімді орындау үшін үздік әлемдік тәжірибелерді тарту жоспарланып отырған «Атқарушылық iс жүргiзу және сот орындаушыларының мәртебесi туралы» жаңа Заң жобасын әзірлеу жөніндегі жұмыс туралы хабардар етті.

Лорд Манс заң үстемдігін қамтамасыз ету аясында әкімшілік әділет жұмысының маңыздылығын атап өтті, сондай-ақ Англия құқығы жүйесінің қағидаттары туралы айтты.

АХҚО өкілдері АХҚО-ның, оның ішінде АХҚО Сотының қызметі туралы хабардар етті және жүргізіліп жатқан бірлескен жұмыстың тиімділігін атап өтті, оның ішінде БҰҰ медиация нәтижесінде қол жеткізілген халықаралық татуласу келісімдері туралы конвенциясының ратификациялануына қолдау білдірді.

Кездесу барысында тараптар сот, соның ішінде АХҚО Сотының шешімдерін орындалуын қамтамасыз ету шеңберінде жүргізіліп жатқан күш-жігерді атап өтіп, жеке сот орындаушыларының жұмысымен танысты.

Тараптар кездесу үшін бір-біріне алғыс білдіріп, ынтымақтастықты нығайтуға келісті.

• 14.06.2022
• 294