Ауыл шаруашылық жерлеріне ғарыштық және цифрлық мониторинг жасауға байланысты көпшілікті алаңдатқан бірқатар өзекті мәселелерді талқыладық

Қоғам белсендісі Мұхтар Тайжанмен кездесіп, ауыл шаруашылық жерлеріне ғарыштық және цифрлық мониторинг жасауға байланысты көпшілікті алаңдатқан бірқатар өзекті мәселелерді талқылап, мынадай шешімге келдік.

Біріншіден, жерді рационалды пайдалануды қадағалау және қамтамасыз ету үшін космомониторингпен ғана шектелмей, цифрлық сервистер кешені қолданылады. Бұл не деген сөз?

Мәселен, қазіргі таңда жайылымдардың рационалды қолданылу деңгейін есептеу үшін жер туралы деректер - белгілі бір адамның қанша гектар жері бар және мал шаруашылығы жайлы ақпаратты жүйедегі мәліметтер негізге алынады. Осы деректердің барлығы бір-біріне бөлінеді, ережелермен бекітілген арнайы формулалар мен стандарттар бар, солардың негізінде жануар саны мен жер көлемін ескере отырып,дұрыс шешім шығаруға болады.

Осылайша 1000 бас малға жер алған адамның 100 жануар ғана бағып жүргенін анықтауға болады. Ал бұлай болмауы керек, бұл космомониторинг емес - бұл жай ғана деректермен жұмыс! Шын мәнінде жер телімдерінің 75 пайызы жайылымдық жерлер. Және бүгінгі таңда халық осы жайылымдық жерлер туралы айтуда!

Екіншіден, Жер Кодексіне өзгерістер енгізу қажет деп келістік. Жерді қайтарып алуға құжаттар тапсыру жұмысындағы қағазбастылықты оңтайландыру (соның ішінде цифрлық форматқа көшіру) керек. Барынша оңай және қарапайым еткен жөн!

Үшіншіден, космомониторингті қолдану бойынша нақты стандарт қажет. Қазір ғарыштық мониторингте түрлі кеңістіктік деректер мен спектрлік арналар саны қолданылады. Солардың кейбірі жердің тиімділігін дұрыс айқындау кезінде сәйкес келе бермейді.

Мысалы ауыл шаруашылықтың цифрлық картасын жасау үшін 1*25000 масштабындағы фотожоспарға 1 метрден кем емес кеңістіктік сапа, ал 1*10000 фотожоспарға тіпті 0,6 метрлік түсірілім қажет. Сондықтан ауыл шаруашылық жерлерін пайдалану бойынша шынайы деректерге қол жеткізу үшін ЖҚЗ түсірілімдерінің сапасына қойылатын талаптар белгіленіп, тиісті техникалық сипаттама жасалатын болады. Ал біз өз тарапымыздан ҚР АШМ-ға космомониторингпен айналысатын көлденең компанияларды жалдауды ұсынатын боламыз. Бастысы, компаниялар конкурс арқылы анықталып, стандартқа сәйкес болуы керек.

Космомониторинг оңай шаруа емес! Ең бастысы, маңызды шешімдер қабылдау кезінде фототүсірілімдер мен фотожоспарлар сапалы болуы тиіс.

Жалпы, біраз мәселені талқылап, жиірек кездесуге келістік. Мұхтар Тайжанға конструктивті диалог үшін рахмет айтамын!

• 24.06.2022
• 447