Зияткерлік меншік құқықтарын сақтау және қорғау саласындағы заңнаманы жетілдіру

Бүгін Орталық коммуникациялар қызметінің алаңында зияткерлік меншік құқықтарын қорғау және сақтау саласындағы заңнаманы жетілдіруге арналған баспасөз конференциясы өтті. Баспасөз конференциясына ҚР Әділет вице-министрі Ахметова Ақерке, Қазақстан Республикасы Әділет министрлігінің Зияткерлік меншік құқығы департаментінің директоры Алтынбеков Ермек, Қазақстан Республикасы Әділет министрлігінің "Ұлттық зияткерлік меншік институты" РМК директорының орынбасары Артықова Айдын қатысты.

Айта кетейік, 2022 жылғы 20 маусымда Мемлекет басшысы "Қазақстан Республикасының кейбір заңнамалық актілеріне зияткерлік меншік саласындағы заңнаманы жетілдіру және мемлекет кепілдік берген заң көмегін көрсету мәселелері бойынша өзгерістер мен толықтырулар енгізу туралы"Қазақстан Республикасының Заңына қол қойды. Әділет вице-министрінің айтуынша, осы заң бойынша жұмыс зияткерлік меншік саласындағы заңнаманы жетілдірудегі кезекті қадам болды.

"Бұл процесс ұлттық заңнаманы осы саладағы халықаралық шарттармен үйлестірумен негізделген. Қазіргі уақытта Қазақстан Республикасы 19 халықаралық шарттың және 25 өңірлік Келісімнің қатысушысы болып табылады. Осыған байланысты, Парламент Мәжілісімен 2020 жылы Әділет министрлігіне осы саладағы құқық қолдану практикасына талдау жүргізу ұсынылды. Әділет министрлігі Reed Smith компаниясының заң кеңесшілерін тарта отырып, талдау қорытындысы бойынша зияткерлік меншік саласын одан әрі дамыту бойынша ұсыныстар әзірледі. Жүргізілген жұмыстың нәтижелері Парламент Мәжілісінің депутаттарына таныстырылды және талқылаудан кейін депутаттық бастаманың негізіне алынды",-деп атап өтті Ақерке Ахметова.

Заң жобасы бойынша барлық мүдделі тараптарды – авторлар мен құқық иеленушілерді, патенттік сенім білдірілген өкілдерді, ғалымдарды, ұжымдық ұйымдар, мүдделі мемлекеттік органдар мен "Атамекен"ҰКП өкілдерін тарта отырып, кеңінен талқылау жүргізілді. Әділет вице-министрі атап өткендей, практиканы талдау, авторлар мен құқық иеленушілердің шағымдары ұйымдардың міндеттерін нақтылауды қажет етті.

"Түзетулер тоғыз мыңға жуық қазақстандық авторлар мен құқық иеленушілердің тиесілі сыйақы алуға деген үміттерін көрсетеді және ұжымдық ұйымдардың өз құқықтарын бұзуын болдырмауға бағытталған. Сондай-ақ, "географиялық нұсқауға"қатысты түзетулер енгізілді. Бұл түзету отандық тауар өндірушілерге жаңа мүмкіндіктермен әлемдік нарыққа шығуға мүмкіндік береді. Бұдан басқа, тіркелмеген Өнеркәсіптік үлгілерді қысқа мерзімді қорғау енгізіледі (Қазақстан Республикасының аумағында айналымға енгізілген күннен бастап 3 жылдан аспайды). Бұл 2015 жылғы 21 желтоқсандағы Еуропалық одақпен Кеңейтілген әріптестік пен ынтымақтастық туралы келісімнің (2016 жылғы 25 Наурызда ратификацияланған) шеңберінде қабылданған міндеттемелерге сәйкес келеді. Мұндай қорғау құқық иеленушілерді түпнұсқа бұйымдардың сыртқы түрін тікелей көшіруден қорғауға мүмкіндік береді", - деді Ақерке Ахметова.

Сонымен қатар, заңға тағы бірнеше түзетулер енгізілді. Тауар таңбалары, географиялық нұсқаулар және тауарлардың шығарылған жерінің атаулары жөніндегі" оппозициялық " жүйе мүдделі тұлғаларға өтінімді қарау кезеңінде сараптама жасау ұйымына қарсылық жіберуге мүмкіндік береді. Бұл тауар белгілерін, географиялық көрсеткіштерді және тауар шығарылған жерлердің атауларын тіркеуге дау айтудың ықтимал тәуекелдерін жояды.

"Патенттік сенім білдірілген өкілдер бөлігінде түзетулер қойылатын біліктілік талаптарын, патенттік сенім білдірілген өкілдің құқықтарын нақтылауға және оны тізілімнен алып тастау рәсіміне бағытталған. Түзетулер патенттік сенімді өкілдер көрсететін қызметтердің сапасын арттыруға мүмкіндік береді",-деп қорытындылады Әділет вице-министрі Ақерке Ахметова.

• 13.07.2022
• 195