Заң жобаларын ашық нормативтік құқықтық актілердің интернет-порталында орналастыру туралы

Әділет министрлігі «Мемлекет басшысының 2022 жылғы 16 наурыздағы Жолдауын іске асыру мәселелері бойынша Қазақстан Республикасының кейбір Конституциялық заңдарына өзгерістер мен толықтырулар енгізу туралы» Қазақстан Республикасы Конституциялық заң жобасын және «Мемлекет басшысының 2022 жылғы 16 наурыздағы Жолдауын іске асыру мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» Қазақстан Республикасы Заң жобасын (бұдан әрі – заң жобалары) әзірлеген.

Заң жобалары Мемлекет басшысының 2022 жылғы
16 наурыздағы Жолдауын іске асыру, сондай-ақ Конституцияға енгізілген өзгерістерді Қазақстан Республикасының қолданыстағы заңнамасына сәйкес келтіру мақсатында әзірленді.

Жария талқылау 2022 жылғы 28 шілдеге дейін (қоса алғанда) өткізілетін болады.

Барлық мүдделі ұйымдар мен азаматтар келесі сілтемелер бойынша Әділет министрлігінің нормативтік құқықтық актісінің жобаларын талқылауға қатыса алады:

https://legalacts.egov.kz/npa/view?id=14147928

https://legalacts.egov.kz/npa/view?id=14147918

• 19.07.2022
• 298