ҚР Индустрия және инфрақұрылымдық даму министрі Бейбіт Атамқұлов Сыр өңіріне жұмыс сапарымен келді

Өткен аптада ҚР Индустрия және инфрақұрылымдық даму министрі Бейбіт Атамқұлов Сыр өңіріне жұмыс сапарымен келді. Министрмен бірге Шиелі ауданындағы «Гежуба Шиелі Цемент Компаниясы» ЖШС цемент зауытына барып, өнеркәсіп жұмысымен көрдік. Сонымен қатар, «Балауса фирмасы» ЖШС-нің «Бала-Сауысқандық» кен орнындағы қара тақтатастарды автоклавты қайта өңдеу» жобасын іске асыру барысымен таныстық. Мұнан соң, біздің сапарымыз Жаңақорған ауданындағы «Шалқия Цинк LTD» АҚ кен орнында жалғасты.  Осы сапарында министр Б.Атамқұловқа Қызылорда қаласында орналасқан «OrdaGlass LTD» ЖШС шыны зауытының іске қосылатын 4 кешенінің құрылысы таныстырылды. Сыр елінің индустриялық дамуына байланысты бірнеше ұсынысымды жеткіздім. Б. Атамқұлов көтерілген мәселелер бойынша Индустрия және инфрақұрылымдық даму министрлігі тарапынан қолдау көрсетілетінін айтты.

• 20.11.2020
• 361