Премьер-Министрге және Үкімет мүшелеріне «Цифрландыру, ғылым және инновациялар есебінен технологиялық серпіліс» ұлттық жобасы қалай жүзеге асырылып жатқаны туралы

Бүгінгі үкімет отырысының бағдарламашылар күнімен тұспа-тұс келуі айрықша маңызға ие!
Біздің ведомство 6 бағытқа жауапты, атап айтқанда, IT-саласын дамыту, цифрландыру, сапалы интернет және ақпараттық қауіпсіздік, мемлекеттік қызметтер, инновациялық бизнесті дамыту.
Жалпы, жұмыс белсенді жүріп жатыр және мұны көрсеткіштер растайды. Мәселен, Мемлекет басшысының тапсырмасы бойынша біз артық бюрократияны жоя отырып, 175 бизнес-үдерісті жетілдірдік. Ал, 2025 жылға дейін біз 5 мың бизнес-процесске толық реинжиниринг жасайтын боламыз.
Бүгінгі күні мемлекеттік қызметтердің 94%-ы онлайн түрде қолжетімді, 25 қызмет проактивті форматта көрсетіледі. Ең сұранысқа ие мемлекеттік қызметтер смартфондарда қол жетімді және өткен жылмен салыстырғанда оларды пайдалану 17,5%-ға артқан. Сонымен қатар, біз халыққа қызмет көрсету орталықтарын жаңғыртуды бастадық және қазірдің өзінде 8 жаңа фронт-офис жұмыс істеп тұрғанын атап өтемін.
Әлеуметтік сала, білім беру және денсаулық сақтау салалары да біртіндеп цифрлық форматқа көшуде. Осы жылы біз «отбасының цифрлық картасы» жобасын пилотты түрде іске қосқанымыз қуантады, онда отбасылардың әл-ауқатына тұрақты мониторинг жүргізіледі, осы арқылы қандай да бір күрделі жағдайларды күтпей-ақ, тәуекелдерді алдын-ала болжап, отбасыларға белсенді түрде көмек көрсете аламыз.
EHealth электронды денсаулық сақтау жүйесін құру бойынша жұмыстар атқарылуда, бұл адамдарға қызмет көрсету орнына қарамастан, сырқатының тарихы мен барлық диагноздарын бір базада топтастыратын ұлттық денсаулық паспортын қалыптастыруға мүмкіндік береді.
Ауылдық мектептер интернет-инфрақұрылымымен толық қамтамасыз етілген, бірақ бұл тұрғыда әлі де белсенді түрде жұмыс істеу керекпіз, оқушылар мен мұғалімдер интернетті оқу процесінде пайдалана алуы үшін мектепішілік Интернетті тарату желілерін дамыту қажет. Айтпақшы, жақын арада оқулықтардың 100%-ы цифрландырылатын болады және көптеген кітаптарды алып жүру қажеттілігі біртіндеп жойылатын болады.

• 14.09.2022
• 407