Бүгін шетелдік БАҚ өкілдерімен кездесіп, әріптестеріммен бірге оларды еліміздің цифрландыру саласындағы жетістіктерімен таныстырдым.

Біздің ел электрондық үкіметті дамыту бойынша БҰҰ индексінде 29-орында тұрғаны олардың кейбірі үшін жаңалық болғаны рас.  Ал «электрондық қызмет» субиндексінде Қазақстан 11-орында. Сондай-ақ Халықаралық электрбайланыс одағының Жаһандық киберқауіпсіздік индексі бойынша 31-орындамыз.
Журналистерді министрлік жұмысымен таныстыра келе, азаматтардың игілі жолында жасалып жатқан жобалар туралы айттық. Бүгінде ел тұрғындарының мемлекеттік қызметтерді үйден шықпай-ақ және жедел түрде алуына тисті жағдайлар жасалуда. Біз қауіпсіздік мәселесін ескере отырып биометрия жүйесін енгізудеміз, проактивтілікке көбірек көңіл бөле бастадық, мысалы, қазіргі таңда қазақстандықтарға проактивті форматта 25 қызмет көрсетіледі.  19 құжат цифрлық форматта қол жетімді және бұрындағыдай  құжаттардың қағаз нұсқаларын алып жүрудің қажеті жоқ.  
Шетелдік журналистерді азаматтардың мемлекеттік қызметтерді қаншалықты жедел және уақытылы алуы, барлық қызметтерді онлайн форматқа көшіру және т.б   мәселелер қызықтырды.  Бүгінде мемлекеттік қызметтердің 94% -ын қашықтықтан алуға болады, бұл ретте біз қызметтерді алудың орташа уақытын барынша жедел қылуға, яғни 5 минутқа уақытта  жеткізуге тырысамыз. 
Біздің түпкі мақсатымыз -еліміздің тұрғындарына сапалы қызмет ұсыну. Халықтың талап-тілегі әрдайым бірінші орында болуы тиіс. 
ТМД кеңістігіндегі цифрлық саланың көшбасшысы ретінде Қазақстанға қызығушылық танытқаны үшін шетелдік журналистерге алғысымды білдіргім келеді. Біздің ортақ жетістіктерімізді әлемге танытуды бөлісуді көздейтін мұндай кездесулер дәстүрге айналуы тиіс. Біздің Цифрлық министрлік отандық және шетелдік медиамен сындарды диалогқа әрдайым ашық екенін жеткізгім келеді.

• 15.09.2022
• 349