Отандық IT-компанияларды аралау

Отандық IT-компанияларды аралауды жалғастырудамын. Бұл жолы @baizhank басқаратын Documentolog компаниясына барып, оның командасымен таныстым. #Documentolog - электрондық құжат айналымы жүйесін шоғырландыру және дамыту жұмыстарын жүзеге асырады.
Қазіргі уақытта Doсumentolog жүйесін мемлекеттік және квазимемлекеттік органдар, қаржы, ақпараттық және технологиялық салалардағы ірі ұйымдар қолдануда.
Documentolog компаниясы отандық IT-нарықта 2007 жылдан бастап жұмыс істейді.
Елорда мен Алматы қаласының кеңселерінде 100-ден астам қызметкерлері бар. Компания алдағы уақытта өз қызметтерімен шетелдік нарыққа шығуды жоспарлап отыр.
Кездесу барысында IT-мамандар Documentolog жүйесін одан әрі дамыту бойынша жоспарларымен бөлісті. Атап айтқанда, QR арқылы құжаттарға қол қоюды жүзеге асыру, жүйені басқа да мемлекеттік және бизнес сервистермен интеграциялау, кадрлық процестерге қатысты мемлекеттік қызметтерді енгізу және т.б. ұсыныстарды талқыладық.
Компанияның алға қойып отырған үлкен мақсат-міндеттерді бағындыра алатынына сенімдімін, өйткені ұжымда креативті және өзгерістерге дайын жастар жұмыс істейтіні қуантты.
Істеріңізге табыс тілеймін!

• 19.09.2022
• 273