Қазақстандық IT-компанияларды аралауды жалғастырудамын

Samgau холдингіне бардым. ІТ-холдинг бағдарламаларды әзірлеу, жүйелік қамтамасыз етуді орнату саласында түрлі жобаларды жүзеге асырып, нарыққа өз өнімдерін шығаруда.
Мәселен, олар Qosyl деген отаумен өзіміздің отандық бейне байланыс жүйесін әзірлеген, сонымен қатар тәулігіне 50 миллионнан астам түрлі өтініш-хабарламаларды өңдеуге қабілетті арнайы интеграциялық жүйе ойлап тапқан.
Samgau қызметкерлері маған бірқатар өнімдерін көрсетті, олардың арасында адамның бет-әлпетін танитын Workspace жұмыс уақытын есепке алу жүйесі. Бұл қызметкерлердің шамадан тыс жұмыс істеуін ескеруге және оларға қосымша атқарған жұмыстары үшін ақы төлеуді ұйымдастыруға мүмкіндік береді.
Компания өз қызметкерлерін оқытуға және біліктіліктерін арттыруға, сондай-ақ олардың денсаулығына көп көңіл бөлуде. Мәселен, қызметкерлер отырған кеңседе арнайы жаттығу залы да бар.
Холдинг алдында тұрған мақсат-міндеттер, сондай-ақ жұмыс барысында туындайтын кедергілер туралы да әңгімелестік. Бірақ, кез-келген заманауи компанияның түрлі сын-қатерлерді еңсеру арқылы ғана белгілі бір жетістікке жететіні анық.
Samgau қызметкерлеріне тек сәттілік тілеймін, алдағы уақытта олар әлі де көптеген пайдалы жобаларды іске асыратынына сенімдімін!

• 10.10.2022
• 272