Іс-сапармен Түркияға келдім

Осы елдің Қорғаныс өнеркәсібі агенттігіндегі және Turkish Aerospace компаниясындағы әріптестерімен кездестік. KazSat 3 спутнигін KazSat 3R-ге ауыстыру бойынша ынтымақтастық мәселелерін талқыладық. KazSat 3 пайдаланудан шыққанға дейін оны ауыстыруды жүргізу және байланыс және телерадио хабарларын тарату қызметтері үздіксіз жұмыс істеу үшін неғұрлым заманауи жаңа спутникті дайындау қажетпіз. Ақпан айына дейін біз техникалық құжаттарды және соңғы есептеулерді әзірлеуіміз керек.
Біз үшін түріктердің ғарыштық техниканы өндіру, оның ішінде сапасы жоғары көп жолақты жүйелерді (HTS), гибридті шешімдерді қолдану, сондай-ақ цифрлық процессорлар негізінде пайдалы жүктемелерді әзірлеу бойынша инновациялық технологияларды қолдану тәжірибесі маңызды. Turkish Aerospace - авиация және ғарыш саласындағы әлемдегі ең ірі 100 қорғаныс компаниясының қатарына кіретінін ескере отырып, ондаған жерсерік шығарған әріптестеріміздің тәжірибесі біз үшін пайдалы екені анық. Біз де жерсерік өндірісін осындай деңгейге көтере аламыз деп үміттенемін.
Өз кезегінде, жерді қашықтықтан зондтау спутниктерінің арқасында көптеген маңызды салаларға (агроөлшеу, су ресурстары, орман, жер қойнауын пайдалану, қоқысты анықтау және т.б.) қажетті сервистер платформасын құру бойынша тәжірибемізбен бөлістік. Түркиялық әріптестер барлық бақылауларды бір платформада көру жүйесіне қызығушылық танытқанын атап өткім келеді.
Бұдан бөлек, ULAK Communications Inc компаниясына бардым. Кәсіпорын коммерциялық желі операторлары қолданатын кең жолақты байланыс пен мобильді жүйені әзірлеуді және зерттеуді жүзеге асырады.
Базалық станциялардың өндірісімен таныстық. Айта кетейін, бізде мұндай өнеркәсіп жоқ, барлық жабдықтарды сырттан сатып аламыз. ULAC компаниясының өкілдері базалық станциялардың мониторинг жүйесі туралы айтты, оған қоса осы технологияны өз елімізде қолдану мүмкіндігін талқыладық.
Сонымен қатар, денсаулық сақтауды цифрландыру тәжірибесімен танысу үшін Түркияның ең үлкен ауруханасына бардым, ол ӘЛЕМДЕГІ ең ірі 4-ші медициналық мекеме болып табылады. Ауруханада 10 жыл бойы жұмыс істеп тұрған, клиникалардан барлық деректерді жинайтын орталықтандырылған e-Nabуs жүйесінің (пульс) жұмысы қуантты.
Кез келген клиникаға барған кезде азаматтардың барлық деректері бірыңғай базаға жазылады және сол жерден азаматтарға да, клиникаларға да беріледі. Мәселен, сіз кеше Анталиядағы жеке клиникада болсаңыз, содан кейін Анкараға ұшып, кез келген (жеке немесе мемлекеттік) ауруханаға барсаңыз, кешегі деректеріңіз (диагноз, сынақтар, дәрігердің ұсыныстары, дәрі-дәрмек рецептері) қолжетімді болады.
Сондай-ақ, мұнда зертханалық зерттеулер, дәрі-дәрмектердің, әсіресе вакциналар бойынша барлық процестерді бақылауға мүмкіндік беретін арнайы жүйе енгізілген. Әрбір дәрігер мен медбикенің планшеті бар, онда олар барлық қажетті деректерді енгізіп отырады. Біз бұл тәжірибені міндетті түрде отандық денсалық сақтау саласын цифрландыру үшін қолданамыз.

• 04.11.2022
• 349