Көшпелі кеңес өткіздік

Қорғаныс, Денсаулық сақтау, Оқу-ағарту, Ғылым және жоғары білім вице-министрлерімен көшпелі кеңес өткіздім, іс-шара барысында әскерге шақыру үдерісін цифрландыру, сондай-ақ мобильді ресурстардың дерекқорларын өзектендіру мәселелерін талқыладық.

Бүгінгі таңда басқа мемлекеттік органдардың ақпараттық жүйелерімен интеграция іс жүзінде жоқ, бұл көрсетілетін қызметтерді проактивті режимге ауыстыруға мүмкіндік бермейді.

Мысалы, Халыққа қызмет көрсету орталығына барған кезімде мерзімді әскери қызметтен босату үшін құжаттар жинаған студенттерді жиі кездестіретінмін. Бүгінгі таңда студенттер жоғары оқу орындарымен және әскери комиссариат арасында әскерден босатылу үшін уақыттарын жоғалтып, екі ортада жүреді. Сондай-ақ, бұл жағдай әскерден босатылатын мүгедектігі бар немесе науқас адамдарға да қатысты.

Осыған байланысты біз бірлескен іс-қимыл жоспарын әзірледік және Ғылым және жоғары білім, Денсаулық сақтау, Еңбек және халықты әлеуметтік қорғау министрлігінің, Бас прокуратураның және т.б. органдардың жүйелерімен қажетті қызмет түрлерін интеграциялау бойынша нақты мерзімдерді айқындадық.

Сонымен қатар, осы интеграциялар арқасында тіркеу комиссиясын толығымен онлайн форматқа көшіруге және мектеп оқушыларын, Алғашқы әскери дайындық оқытушыларын және дәрігерлерді қажетсіз жүктемеден арылтуға болады. Бұл бастама бюджет шығындарын айтарлықтай азайтуға көмектеседі.

• 18.11.2022
• 345