Бекмағамбетов Әлімжан Бауыржанұлы

«Қазақстан Республикасы Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» ШЖҚ РМК Бас директорының м. а., заң ғылымдарының кандитаты

Бекмағамбетов Ә.Б. 1979 жылғы 23 қазанда Қостанай қаласында дүниеге келген.

Білімі: Қазақ құқықтану және халықаралық қатынастар институты мен Челябі мемлекеттік университетін үздік дипломмен тәмамдаған. Докторантура: Ресей халықтар достығы университеті мен Саратов мемлекеттік құқық академиясы. Шетелдік тағылымдамалар: Германия (2011, 2018 жж.) және Испания (2020 ж.).

Еңбек жолын жоғары білім беру және мемлекеттік қызмет саласында бастаған. Кафедра меңгерушісі, заң факультетінің деканы, Қостанай мемлекеттік университетінің (А.Байтұрсынов атындағы) және «Тұран-Астана» университетінің проректоры, сондай-ақ Фундаменталды зерттеулер институтының директоры қызметтерін атқарған. Қазақстан Республикасы Әділет министрлігінің Сот сараптамалары орталығында бас ғылыми қызметкер, Қостанай облысы әкімі бас инспекторы және баспасөз хатшысы, Ы.Алтынсарин атындағы Ұлттық білім академиясында Әкімшілік басқару және әкімшілік басқарма департаментінің директоры лауазымдарын атқарған.

Ғылыми және әлеуметтік маңызды жобаларды жүзеге асыруда мол тәжірибесі бар. 2020-2022 жылдар аралығында 36 млн теңге бюджетпен жас ғалымдарға арналған ҚР БҒМ гранттық жобасының ғылыми жетекшісі болды. Халықаралық «Erasmus+» жобасының академиялық үйлестірушісі. 200-ден астам ғылыми еңбектің авторы.