Құрметті портал қолданушылары!

Еңбекті қорғау - кез-келген мемлекет үшін басым міндет болып табылады және ол жұмыс берушілердің де, әр кәсіпорындағы жұмыскерлердің де мүдделерін қозғайды. Қарқынды цифрландыру және заманауи технологияларды енгізу жағдайында біз ғылыми-зерттеу институты ретінде инновациялық шешімдерді енгізуді және процестерді оңтайландыру үшін жасанды интеллектті пайдалануды қоса алғанда, еңбекті қорғаудың неғұрлым өзекті мәселелері бойынша сараптамалық кеңестер беруге дайынбыз.

Бұл платформада, Сіз, ғылыми негізделген ұсынымдар ала аласыз, кәсіби мамандармен еңбек қауіпсіздігі мәселелерін талқылап және еңбекті қорғауды басқару жүйесін жетілдіру бойынша ұсыныстар жасай аласыз. 2030 жылға дейінгі Қауіпсіз еңбек тұжырымдамасын іске асыру шеңберінде біз мониторингтің тиімділігін арттыру, тәуекелдерді бағалау және салауатты еңбек жағдайларын қамтамасыз ету үшін заманауи технологияларды біріктіруге ұмтыламыз.

Бұл платформа тәжірибе алмасудың, процестің барлық қатысушылары арасында диалог қалыптастырудың және цифрлық құралдарды пайдалана отырып, еңбек қауіпсіздігі мәселелерін тиімді шешудің маңызды құралы болатынына сенімдіміз.

Сіздің үлесіңіз барлық жұмыскерлер үшін қауіпсіз және жайлы еңбек жағдайларын жасау үшін маңызды!