Ибрагимова Л.Е.

«Отбасы банк» АҚ Басқарма төрағасы

Ибрагимова Ләззат Еркенқызы

 "Отбасы банк" АҚ Басқарма төрағасы

1972 жылы 7 қарашада Целиноград облысы, "Ленинский" совхозында дүниеге келген. 1994 жылы Ақмола ауылшаруашылығы институтын "АӨК салаларындағы Экономика және басқару" мамандығы бойынша үздік бітірді. 2003 жылы "Заңгер" мамандығы бойынша Еуразиялық гуманитарлық институтын үздік белгісімен тәмамдады. 2003 жылы "Қазақстан Республикасының жинақтаушы зейнетақы жүйесін басқару" тақырыбында кандидаттық диссертация қорғады. 2003 жылдан бастап шағын және орта бизнесті мемлекеттік қолдаудың тиімділігі мәселелерін зерттеумен айналысты, 30-дан астам ғылыми жарияланымдары бар, үш оқу-әдістемелік құралдың авторы. 2019 жылы "Назарбаев университетін" бітіріп, "Іскерлік әкімшілендіру магистрі" (Executive MBA) дәрежесін алды.

Еңбек жолын 1995 жылы Л.Гумилев атындағы Еуразия мемлекеттік университетінің экономика факультетінде оқытушы болып бастаған, онда 2001 жылға дейін жұмыс істеді.

2004 жылы БҰҰДБ "Экономикалық даму жөніндегі ұлттық сарапшы" мәртебесіне жариялаған байқауда жеңіске жетті. Микрокредиттік ұйымдар туралы заңнаманы жетілдіру жөніндегі жұмыс тобының мүшесі болды.  2004-2009 жылдары - "Даму" кәсіпкерлікті дамыту қоры" АҚ Талдау және даму стратегиясы, оқыту және консалтинг, Корпоративтік даму департаменттерін басқарды. 2009 жылы "Самұрық-Қазына "ҰӘҚ" АҚ арнайы бағдарламалар департаментінің, қаржы институттары мен даму институттарын басқару дирекциясының Бас менеджері болып жұмыс істеді. 2009 жылдан 2016 жылдың қаңтарына дейін - "Даму" кәсіпкерлікті дамыту қоры" АҚ Басқарма төрағасының орынбасары, Басқарма төрағасы, Директорлар кеңесінің мүшесі болды. 2016 жылдың ақпанынан бастап 2017 жылдың қаңтарына дейін "Бәйтерек" ҰБХ" АҚ Басқарма төрағасының орынбасары қызметін атқарды. 2016 жылы "Қаз ЭкспортГарант" СК АҚ Директорлар Кеңесінің мүшесі, "ҚазЭкспортГарант" экспорттық-несиелік сақтандыру корпорациясы" АҚ Директорлар кеңесінің төрағасы, "Қазақстан Ипотекалық Компаниясы" Ипотекалық ұйымы" АҚ Директорлар кеңесінің төрағасы болды. 2017 жылдың 23 қаңтарынан бастап - "Қазақстанның тұрғын үй құрылыс жинақ банкі" АҚ ("Отбасы банк" АҚ) басқарма төрағасы.   

Халықтың әлеуметтік осал топтары, аз қамтылған отбасылар үшін тұрғын үй бағдарламаларын әзірлеуге белсенді қатысып, халықты тұрғын үймен қамтамасыз ету жөніндегі мемлекет саясатын іске асырудың тиімділігін арттыру бойынша жұмыс істеп келеді.

"Nur Otan" партиясының "Белсенді қызметі үшін" медалімен (2012 ж.), "Құрмет" орденімен (2016 ж.), "Қазақстан Конституциясына 25 жыл" мерейтойлық медалімен (2020 ж.) 2016 жылы гендерлік теңдік бойынша Еуропалық қайта құру және даму банкінің (ЕҚДБ) наградасын алды, Қазақстанның цифрлық даму, инновациялар және аэроғарыш өнеркәсібі министрлігінің Қазақстан Республикасының қаржы секторын дамытуға қосқан үлесі үшін "Үздік цифрландырушы" медалімен (2023 ж.), сондай-ақ Қазақстан қаржыгерлері қауымдастығының "ҚҚҚ-ға 25 жыл" медалімен марапатталды.