Құрметті достар!

 "Отбасы банк" АҚ ("Бәйтерек" холдингінің еншілес ұйымы) - еліміздегі тұрғын үй құрылыс жинақтары (ТҚЖ) жүйесін іске асыратын жалғыз банк. 2003 ж. шілдеде "Қазақстанның тұрғын үй құрылыс жинақ банкі" АҚ мемлекеттік тіркеу туралы куәлік алды.

ТҚЖ жүйесі салымшылардың ақшасын тұрғын үй құрылыс депозиттеріне тарту және оларға тұрғын үй заемдарын беру арқылы халықтың тұрғын үй жағдайларын жақсартуға бағытталған. Тұрғын үй құрылыс жинақтары жүйесіне сәйкес, салымшы кем дегенде 3 жыл бойы өз депозитіне ай сайын жарналар енгізеді. Банк жинақ сомасына жылдық 2% есептейді. Сондай-ақ, салымшыларға жыл сайын 200 АЕК-ке дейінгі сомаға жылдық 20% мөлшерінде мемлекеттік сыйлықақы есептеледі.

Мен басқаратын "Отбасы банк" өз клиенттеріне тұрғын үй жағдайларын жақсартуға арналған заемдардың үш түрін ұсынады.

Заемның негізгі түрі - тұрғын үй заемы, ол Қазақстандағы ең тиімді пайыздық мөлшерлеме бойынша - жылдық 3,5%-дан (ЖТСМ 3,6%-дан 4,4%-ға дейін) тұрғын үйді несиеге сатып алуға мүмкіндік береді. Тұрғын үй заемы банк салымшысына тұрғын үй сатып алу үшін қажетті соманың кемінде 50%-ын 3 жыл мерзім жинақтаған жағдайда, сондай-ақ бағалау көрсеткішінің ең төменгі деңгейі 16-ға жеткен кезде беріледі. Тұрғын үй заемы бойынша пайыздық мөлшерлеме жылдық 3,5%-дан (ЖТСМ 3,6%-дан 4,4%-ға дейін) 5%-ға дейін (ЖТСМ 5,1%-дан 6,9%-ға дейін) құрайды. Несиелеу мерзімі 25 жылға дейін.

Егер сіздің жинақтау мерзіміңіз үш жылдан кем болса, бірақ сізде тұрғын үй құнының 50%-ы болса, Сіз жылдық 6%-дан (ЖТСМ 6,2%-дан 6,3%-ға дейін) жылдық 8,5%-ға (ЖТСМ 9%-дан 9,6%-ға дейін) дейінгі мөлшерлеме бойынша 25 жылға дейінгі мерзімге аралық заем ала аласыз. Мөлшерлеме кейіннен жылдық 3,5%-ға дейін төмендейді (ЖТСМ 3,6%-дан 4,4%-ға дейін) - жылдық 5%-ға дейін (ЖТСМ 5,1%-дан 6,9%-ға дейін). Аралық заем алу үшін бағалау көрсеткішінің ең төменгі мәні кемінде 5 болуы тиіс.

Алдын ала тұрғын үй заемы қарыз сомасының 10% жинақталған жағдайда беріледі. Кредит мемлекеттік және өңірлік бағдарламалар шеңберінде ғана жылдық 2%-дан (ЖТСМ 2,0%-дан 2,1%-ға дейін) мөлшерлемесі бойынша береді.

Банк миссиясы келесідей: ұзақмерзімді әл-ауқатты арттыра отырып, отбасыларды өз тұрғын үйімен қамтамасыз ету арқылы Отанға деген сезімдерін нығайту.

Банктің стратегиялық пайымы: Біз, Отбасы банк - халық пен компаниялар үшін, оның ішінде мемлекеттің әлеуметтік бағдарламалары үшін жинақ пен қаржыландырудың сенімді және тұрақты дамып келе жатқан жүйесіміз.

Қазір "Отбасы банкінде" шамамен 2,7 млн жинақ шоты ашылған.

Банк қызметінің барлық кезеңінде 530 мыңнан астам қазақстандық отбасыларға қоныс тойын атап өтуге көмектесті.

Институционалдық инфрақұрылымды жаңғырту мақсатында 2020 жылдың 11 мамырында Қазақстан Республикасының Президенті Қ. Тоқаев Тұрғын үй құрылыс жинақ банкін Отбасы банкіне айналдыруды тапсырды. 2020 жылдың 20 желтоқсанында "Қазақстанның тұрғын үй құрылыс жинақ банкі" акционерлік қоғамын "Отбасы банк" тұрғын үй құрылыс жинақ банкі" акционерлік қоғамына қайта тіркеу жүргізілді.

Қазіргі уақытта Банк ұлттық даму институтына айналу кезеңінен өтуде. Банк тұрғын үй құрылыс жинақтары жүйесі шеңберінде өзінің негізгі қызметін жалғастырады, сондай-ақ қолданыстағы тұрғын үй бағдарламалары бойынша өз клиенттеріне заемдар береді, бұл ретте оның толыққанды даму және қолдау институты ретіндегі функциялары айтарлықтай кеңейтіледі. Банк тұрғын үй саясатын дамыту институты ретінде қазақстандықтар арасында тұрғын үйді есепке алуды, есепке қоюды және бөлуді орталықтандырылған түрде жүзеге асыратын болады. Тұрғын үй құрылыс жинақ банкін Отбасы банкіне айналдырудың негізгі идеясы - өз баспанасы жоқ әрбір қазақстандыққа өз кірістеріне сәйкес банкке жүгінуге және қолжетімді шарттармен тұрғын үй сатып алуға мүмкіндік беру.

Қазақстан Республикасы Үкіметінің 2021 жылғы 6 қаңтардағы №1 қаулысына сәйкес, банк тұрғын үй жағдайларын жақсарту мен емделу ақысын төлеу мақсаттарында Бірыңғай жинақтаушы зейнетақы қорынан біржолғы зейнетақы төлемдерін (БЖТ) мақсатты пайдалану жөніндегі уәкілетті оператор болып айқындалды.

2024 жылғы 15 наурызда Атырау қаласында өткен Ұлттық құрылтайдың үшінші отырысында Қазақстан Президенті Қасым-Жомарт Тоқаев "Наурыз" жаңа тұрғын үй бағдарламасының іске қосылатынын жариялады. Оның операторы болып Отбасы банк тағайындалды.

"Наурыз" бағдарламасына барлық қазақстандықтар, оның ішінде тұрғын үйге кезекте тұрған халықтың әлеуметтік осал топтарының өкілдері, жұмыс істейтін жастар, жас отбасылар, тұрғын үй төлемдерін алушылар, Отбасы банкінің салымшылары, моноқалалардың, аудан орталықтары мен ауылдық елдімекендердің тұрғындары қатыса алады.

 Аталмыш бағдарлама шеңберіндегі бастапқы жарна - 20%-дан басталады. Тұрғын үйге кезекте тұрған азаматтардың әлеуметтік осал санаттары үшін заем бойынша мөлшерлеме - 7% (ЖТСМ 7,3%-дан 8,9%-ға дейін), барлық санаттағы азаматтар үшін заем бойынша мөлшерлеме - 9% (ЖТСМ 9,3%-дан 11,8%-ға дейін). Заем мерзімі - 19 жылға дейін. Бағдарлама 8 жылға арналған.

Жеке әлеуметтік бағдарламалардан басқа, тұрғын үй құрылыс жинақ жүйесі кез келген қазақстандыққа қолжетімді шарттар бойынша тұрғын үй сатып алуға мүмкіндік береді. Банк беретін заемдар бойынша төлемдер азаматтардың отбасылық бюджеті үшін еңсере алмас ауыртпалыққа айналмайтыны маңызды. Жинақтау мерзімі мен сомасына байланысты кредиттерді төлеу клиенттердің кез келген санатына қол жетімді. Сондықтан банкте көптеген жылдар бойы NPL-дің ең төменгі деңгейі сақталып келеді (мерзімі 90 күннен асатын несиелер). 01.07.2024 жылғы мәліметтер бойынша бұл көрсеткіш 0,11% деңгейінде, ал орташа банктік деңгей 3,09% тең.

Менің "Ашық диалог" платформасындағы блогым Сіздердің әрқайсыларыңыз өздеріңізді қызықтыратын сұрақ қойып, оған жауап алу үшін арнайы жасалған.

Мен сіздердің сұрақтарыңыз бен ұсыныстарыңызды күтемін!